ब्रिटनच्या पंतप्रधानपदाच्या शर्यतीत भारतीय वंशाचे ऋषी सुनक (Rishi Sunak) हेही दुसऱ्या फेरीमध्ये पोहोचले आहेत. यासोबतच सुनक यांनी पंतप्रधानपदासाठी आपला जोरदार दावाही मांडला आहे. पण तरीही कंझर्व्हेटिव्ह पक्षाच्या सदस्यांमध्ये मतदानाचे पाच टप्पे आणखी बाकी आहेत तर येत्या गुरुवारपर्यंत हा टप्पा पूर्ण होणार आहे. (Will Indian rishi Sunak rule over the British UK PM leads polls)

तोपर्यंत या पदाच्या दाव्यासाठी दोनच दावेदार आता उरले आहेत. अशा परिस्थितीत, कोणत्याही निष्कर्षापर्यंत पोहोचणे खूप घाईचे ठरू शकते. असो, या शर्यतीत त्यांना वाणिज्य मंत्री पेनी मॉर्डुअंट यांच्याकडून कडवी स्पर्धा असणार आहे.

पहिल्या फेरीत देखील ऋषी सुनक हे आघाडीवर होते. सुनक यांना 88 मते मिळाली होती. पेनी मॉर्डंट 67 मतांसह दुसऱ्या स्थानावरती होते. दुसऱ्या फेरीच्या मतदानात ऋषी सुनक हे 101 मतांनी आघाडीवर राहिले आहेत. त्याच वेळी, मॉर्डोंट देखील 83 मतांसह दुसऱ्या क्रमांकावरती आहे.

दरम्यान, कंझर्व्हेटिव्ह पक्षाच्या 876 सदस्यांमध्ये तीन दिवसांपूर्वी 'YouGov'ने केलेल्या सर्वेक्षणात पेनी मॉर्डंट पुढे असल्याचा दावा करण्यात येत आहे. सर्वेक्षणानुसार, मॉर्डंटला 27 टक्के सदस्यांचा पाठिंबा देखील आहे. कामी बेडिनोक 15 टक्के मतांसह दुसऱ्या स्थानावर आहेत, तर ऋषी सुनक आणि लिट ट्रस 13 टक्के मतांसह तिसऱ्या स्थानावरती आहेत.

यापूर्वी, YouGov ने केलेल्या सर्वेक्षणात, ऋषी सुनक आणि पेनी मॉर्डंट यांच्यात केवळ एक टक्का मतांचे अंतर होते तर बोरिस जॉन्सन यांच्या राजीनाम्यानंतर लगेचच करण्यात आलेल्या सर्वेक्षणात पेनी मॉर्डंट यांना 13 टक्के आणि ऋषी सुनक यांना 12 टक्के मते मिळाली. दोन सर्वेक्षणानंतर दोघांमधील दरी देखील वाढली आहे.

ऋषी सुनक यांचा राजकीय प्रवास

ऋषी सुनक 2015 पासून रिचमंड यॉर्क्स येथून खासदार आहेत. 2015 ते 2017 पर्यंत त्यांनी पर्यावरण, अन्न आणि ग्रामीण व्यवहार या निवड समितीचे सदस्य म्हणून काम केले आहे. जानेवारी 2018 ते जुलै 2019 पर्यंत ते संसदीय उपसचिव देखील राहिले होते. जुलै 2019 मध्ये, त्यांची बोरिस जॉन्सन (Boris Johnson) सरकारमध्ये ट्रेझरीचे मुख्य सचिव म्हणून नियुक्ती करण्यात आली होती.

25 जुलै 2019 रोजी ते प्रिव्ही कौन्सिलचे सदस्य झाले आणि मंत्रिमंडळाच्या फेरबदलाचा एक भाग म्हणून फेब्रुवारी 2020 मध्ये त्यांची कुलपती म्हणून सुनक यांची पदोन्नती झाली. कोरोना महामारीच्या काळात सुनक यांनी मार्च 2020 मध्ये पहिला अर्थसंकल्प सादर केला होता. बोरिस जॉन्सन यांच्या पंतप्रधानपदाच्या विरोधामध्ये अलीकडेच राजीनामा देणारे ते पहिले मंत्री होते.

पेनी मॉर्डोन्टचा राजकीय प्रवास मॉर्डंट,

पेनी मॉर्डोन्ट (Penny Mordaunt) 2010 पासून पोर्ट्समाउथ नॉर्थमधून खासदार आहेत. 2014-15 मध्ये डेव्हिड कॅमेरून यांच्या नेतृत्वाखालील सरकारमध्ये त्या उपमंत्री देखील होत्या. 2015 च्या निवडणुकीनंतर त्यांना सशस्त्र दलांशी संबंधित मंत्रालयाची जबाबदारी देण्यात आली होती तर यानंतर त्यांनी थेरेसा कॅबिनेटमध्ये आरोग्य, आंतरराष्ट्रीय विकास आणि संरक्षण मंत्रालयेही आपल्या अध्यक्षतेखाली सांभाळली आहेत.

त्यानंतर भारतीय वंशाच्या प्रिती पटेल यांनी राजीनामा दिल्यानंतर त्यांच्याकडे आंतरराष्ट्रीय विकास मंत्रालयाची जबाबदारी सोपवण्यात आली होती. बोरिस जॉन्सन मंत्रिमंडळात सप्टेंबर 2021 मध्ये त्यांना व्यापार धोरण मंत्री बनवण्यात आले होते. मॉर्डोन्ट यांनी जॉन मेजर आणि विल्यम हेग यांच्यासोबत पक्षाच्या संघटनात्मक पातळीवरही देखील काम केले आहे. याशिवाय, ती 2000 आणि 2004 मध्ये जॉर्ज डब्ल्यू बुश यांच्या अध्यक्षीय निवडणुकीच्या प्रचाराचा भाग देखील त्या राहिल्या होत्या.