Sienna Weir Death: सन 2022 ची मिस युनिव्हर्स फायनलिस्ट आणि ऑस्ट्रेलियन फॅशन मॉडेल सिएना वीएर हीने वयाच्या अवघ्या 23 व्या वर्षी जगाचा निरोप घेतला आहे. घोडेस्वारी करताना तिचा भीषण अपघात झाला होता. गेल्या महिन्यात ऑस्ट्रेलियात घोडेस्वारी करताना सिएनाला गंभीर दुखापत झाली होती, तिच्यावर रुग्णालयात उपचार सुरू होते.

फॅशन मॉडेल सिएना वीर 2 एप्रिल रोजी विंडसर पोलो मैदानावर घोडेस्वारी करत होती. घोड्यावरील नियंत्रण सुटून ती जमिनीवर पडली. यात तिला गंभीर दुखापत झाली होती. तिला तातडीने रुग्णालयात दाखल केले होते.

अनेक आठवडे ती व्हेंटिलेटरवर होती. पण डॉक्टरांना तिचे प्राण वाचविण्यात अपयश आले.सिएना वीरच्या मृत्यूची बातमी तिच्या कुटुंबीयांनी दिली. शिवाय सिएनाची मॉडेलिंग एजन्सी स्कूप मॅनेजमेंटने देखील तिच्या मृत्यूच्या बातमीला दुजारो दिला आहे.

गुरुवारी एजन्सीने तिचे अनेक फोटो इंस्टाग्रामवर शेअर केले आहेत, तसेच तू नेहमी आमच्या हृदयात राहाशील, अशी कॅप्शन लिहिली आहे.

सिएना वीर 2022 मध्ये प्रसिद्धीच्या झोतात आली, जेव्हा तिने मिस युनिव्हर्स स्पर्धेच्या 27 फायनलिस्टमध्ये स्थान मिळवले. तिने सिडनी विद्यापीठातून इंग्रजी साहित्य आणि मानसशास्त्रात दुहेरी पदवी घेतली होती. ती यूकेला जाण्याच्या विचारात होती. तिला घोडेस्वारीची खूप आवड होती.