देशावरील वाढते विदेशी कर्ज आणि कमी कर संकलन हा आता 'राष्ट्रीय सुरक्षेचा' मुद्दा बनत असल्याचे पाकिस्तानचे (Pakistan) पंतप्रधान इम्रान खान (Imran Khan) यांनी म्हटले आहे. सरकारकडे नागरिकांच्या कल्याणावर (TTS in Pakistan) खर्च करण्यासाठी संसाधनांचा अभाव असल्याचे देखील त्यांनी म्हटले आहे. इस्लामाबादमधील साखर उद्योगासाठी फेडरल ब्युरो ऑफ रेव्हेन्यू (FBR) च्या ट्रॅक अँड ट्रेस सिस्टम (TTS) च्या उद्घाटन समारंभाला संबोधित करताना खान म्हणाले, “आमची सर्वात मोठी समस्या ही आहे की, आमच्याकडे देशात राहण्यासाठी पुरेसे पैसे नाहीत. त्यामुळे कर्ज घ्यावे लागत आहे.

इम्रान खान पुढे म्हणाले की, 'संसाधनांच्या कमतरतेमुळे सरकारकडे लोकांच्या कल्याणावर खर्च करण्यासाठी पुरेसा पैसा नाही.' पाकिस्तानी पंतप्रधानांनी खेद व्यक्त करत म्हटले की, कर न भरण्याची प्रचलित संस्कृती ही वसाहतवादी काळातील वारसा आहे. तेव्हा लोकांना कर भरणे आवडत नव्हते. कारण त्यांचा पैसा त्यांच्यावर खर्च करण्यास आवडत नव्हते. (Pakistan Foreign Debt). स्थानिक संसाधने निर्माण करण्यात अयशस्वी झाल्यामुळे सरकारांना कर्ज घ्यावे लागत आहे. खान यांनी पुढे सांगितले की, आमच्या सरकारने गेल्या चार महिन्यांत $3.8 अब्ज डॉलरचे नवीन कर्ज घेतले आहे.

मागील सरकारांना दोष द्या

या वर्षी पाकिस्तानमध्ये पूर्वीपेक्षा जास्त कर्ज घेण्यात आले आहे. आर्थिक व्यवहार मंत्रालयाच्या आकडेवारीवरुन असे दिसून येते की, हा आकडा गेल्या वर्षी याच कालावधीत मिळालेल्या कर्जापेक्षा 18 टक्के जास्त आहे. स्वत: कर्ज घेऊन देश चालवणाऱ्या इम्रान खान यांनी या परिस्थितीसाठी 2009 ते 2018 पर्यंत देश चालवणाऱ्या आधीच्या सरकारांना जबाबदार धरले आहे. ते पुढे म्हणाले की, या काळात मोठ्या प्रमाणावर कर्ज घेण्यात आले (Pakistan Foreign Debt Details). पाकिस्तान फक्त कर भरुन कर्जाच्या “दुष्ट वर्तुळातून” बाहेर येऊ शकतो. कर संकलनाला चालना दिल्याबद्दल इम्रान खान यांनी एफबीआरचे कौतुक केले. ज्यांचे लक्ष्य यावर्षी 8 ट्रिलियन रुपयांचे कर प्राप्त करण्याचे आहे.

पाकिस्तानची ट्रॅक आणि ट्रेस यंत्रणा काय आहे?

2008 पासून पाकिस्तानमध्ये TTS लाँच करण्यात आले आहे, ज्याचा अभ्यास केला जात होता. FBR पेट्रोलियम आणि शीतपेय क्षेत्रात ट्रॅक आणि ट्रेस प्रणाली सुरू करण्याची योजना आखत आहे. यापूर्वी आर्थिक सल्लागार शौकत तारीन (Shaukat Tarin) म्हणाले होते की, 20 कोटी 20 लाख लोकसंख्या असलेल्या देशात केवळ 30 लाख करदाते आहेत. सरकारने तंत्रज्ञानाचा वापर करून 1.5 दशलक्ष संभाव्य करदात्यांना शोधून काढले आहे. (Foreign Debt on Pakistan). तारीन म्हणाले होते की, सरकारने या लोकांना कोणतीही कारवाई करण्यापूर्वी कर भरण्यास सांगितले आहे.