Tunisia: भीषण दुष्काळाच्या पार्श्वभूमीवर आफ्रिकेतील उत्तरेकडील देश ट्युनिशियाने पाण्याच्या वापरावर कडक निर्बंध लादले आहेत. अल जझीराने वृत्त दिले आहे की, सरकारने पाण्याची कोटा प्रणाली सुरु केली असून शेतीसाठी पिण्यायोग्य पाण्याच्या वापरावर बंदी घातली आहे.

दरम्यान, देश येणाऱ्या संकटासाठी तयार असल्याचे सांगितले जात आहे. दुष्काळग्रस्त राष्ट्राने पाण्याच्या वापरावर अतिरिक्त कठोर निर्बंध जारी केले, ज्यात कार, सार्वजनिक ठिकाणे किंवा शेतात पिण्यायोग्य पाण्याच्या (Water) वापरावर बंदी समाविष्ट आहे.

रात्री सात तास पाणीपुरवठा बंद'

याव्यतिरिक्त, ट्युनिशियाच्या नॅशनल वॉटर यूटिलिटी सोनडे (SONEDE) नुसार, आफ्रिकन देश देशातील सर्वात वाईट दुष्काळाच्या पार्श्वभूमीवर रात्रीच्या वेळी सात तास पाणीपुरवठा कमी करेल, असे अल जझीराने वृत्त दिले आहे. सोनडेनुसार, तात्काळ प्रभावाने दररोज रात्री 9 ते पहाटे 4 पर्यंत वॉटर कट लागू करण्यात येणार आहे.

बंदीचे उल्लंघन केल्यास तुरुंगवासही होऊ शकतो.

सलग चार वर्षे पावसाअभावी देश अभूतपूर्व दुष्काळाचा सामना करत असल्याचा दावा सोनडे नेते, मोस्बाह हलाली यांनी केला. ट्युनिशियाच्या जनतेने हा निर्णय मान्य करावा असे आवाहनही त्यांनी केले.

अल्जझीराच्या वृत्तानुसार, मोस्बाह हलालीने चेतावणी दिली की, नियमांचे उल्लंघन केल्यास दंड (Penalty) भरावा लागेल आणि तुरुंगवासाची शिक्षा देखील विचारात घेतली जाऊ शकते.