Japanese Man Spends $22k To Become Human Dog:

जपानमधून एक विचित्र प्रकरण समोर आले आहे. येथे एका व्यक्तीने कुत्रा बनण्यासाठी 22 हजार डॉलर्स खर्च केले आणि सकाळी पहिल्यांदा मॉर्निंग वॉकला गेला. यादरम्यान इतर कुत्र्यांनी त्यांच्यावर हल्ला केला.

कुत्रा झालेल्याचे नाव टॅको आहे. टॅकोचे कुत्र्यात रुपांतर करण्यासाठी महागडी शस्त्रक्रिया केली आहे. टॅकोला लहानपणापासूनच प्राणी ईच्छा आवड होती. त्यामुळे त्याने हे पाऊल उचलले.

टीव्ही जाहिराती आणि चित्रपटांसाठी पोशाख बनवणाऱ्या झेपेट या कंपनीने टॅकोसाठी कुत्र्याचा पोशाख बनवला आहे, असे लाइव्ह मिंटच्या बातमीत म्हटले आहे.

ही कंपनी शिल्पे, बॉडी सूट, 3-डी मॉडेल बनवण्यात निपुण आहे. टॅकोसाठी हा कुत्र्याचा बॉडी सूट बनवण्यासाठी कंपनीला 40 दिवस लागले आहेत.

ट्विटरवर (Twitter) 'क्युअर बोर' (@CureBore) नावाच्या अकाऊंटवरुन एक व्हिडिओ पोस्ट करण्यात आला आहे. त्याच्या कॅप्शनमध्ये लिहिले आहे, "टॅको नावाच्या जपानमधील एका व्यक्तीने 16 हजार डॉलर खर्च करून कुत्रा बनण्याचे स्वप्न पूर्ण केले. त्याने आपली ओळख मित्र, सहकारी यांच्यापासून लपवून ठेवली आहे.

29 जुलै रोजी शेअर केलेल्या क्लिपमध्ये, टॅको त्याच्या गळ्यात पट्टा घालून फिरताना दिसत आहे. त्याला एक मॉर्निंग वॉकला घेऊन जाताना दिसत आहे.

खरे तर, हा व्हिडिओ जुना आहे जो पुन्हा एकदा व्हायरल होत आहे. 5 मिनिटे 5 सेकंदांच्या या व्हिडिओला बातमी लिहिपर्यंत 2.7 मिलियन दशलक्षाहून अधिक व्ह्यूज मिळाले आहेत.

त्याचबरोबर यूजर्स त्यावर कमेंट करून आपल्या विविध प्रतिक्रिया देत आहेत. एकाने विचारले की, हे कुत्रे किती वेगाने धावू शकते. दुसरा म्हणाला, आठवडाभरात याची पाठ मोडून जाईल.