रशियाने युक्रेनियन लुहान्स्क आणि डोनेत्स्क या दोन प्रांतांना स्वतंत्र देश म्हणून मान्यता देण्याची घोषणा केली आहे. रशियाच्या या निर्णयामुळे, युक्रेनवरील आक्रमणादरम्यान पाश्चात्य देशांच्या भीतीमध्ये तणाव (Russia Ukraine Conflict) आणखी वाढेल. या निर्णयावर युक्रेनचे राष्ट्राध्यक्ष वोलोडिमिर झेलेन्स्की यांनी तीव्र प्रतिक्रिया व्यक्त केली आहे. आम्ही घाबरत नसल्याचे त्यांनी स्पष्टपणे म्हटले आहे. झेलेन्स्की यांना अजूनही नाटो देशांकडून निःसंदिग्ध समर्थनाची अपेक्षा आहे. रशियाच्या या निर्णयावर अमेरिकेकडूनही (America) तीव्र प्रतिक्रिया आली आहे. व्हाईट हाऊसचे प्रेस सेक्रेटरी जेन साकी (Jane Sackie) यांनी सांगितले की, अध्यक्ष जो बायडन लवकरच अमेरिकन नागरिकांना लुहान्स्क आणि डोनेस्तक प्रदेशात गुंतवणूक करण्यापासून रोखणारा आदेश जारी करतील. (Ukrainian President Volodymyr Zelenskyy Says He Is Not Afraid Of Russian Repression)

दरम्यान, पुतीन यांनी सुरक्षा परिषदेच्या बैठकीनंतर ही घोषणा केली, ज्यामुळे रशियाला मॉस्को समर्थित बंडखोर आणि युक्रेनियन सैन्य यांच्यातील संघर्षासाठी मुक्तपणे सैन्य आणि शस्त्रे पाठवण्याचा मार्ग मोकळा झाला आहे. रशिया (Russia) युक्रेनवर केव्हाही हल्ला करु शकतो. विशेष म्हणजे या हल्ल्याचे निमित्त म्हणून पूर्व युक्रेनमधील संघर्षाचा वापर होऊ शकतो, अशी भीती पाश्चात्य देशांकडून व्यक्त करण्यात येत आहे.

रशिया-युक्रेन तणावाच्या ताज्या घडामोडींनंतर जागतिक बाजारपेठेत मोठी घसरण झाली

रशिया-युक्रेन तणावाच्या ताज्या घडामोडींनंतर जागतिक बाजारपेठेत मोठी घसरण दिसून येत आहे. या मुद्द्यावर संयुक्त राष्ट्र सुरक्षा परिषदेची सोमवारी तातडीची बैठक होणार आहे. पुतीन यांच्या आदेशानंतर युनायटेड किंग्डमने रशियावर निर्बंध लादण्याचा इशारा दिला आहे. रशियाच्या ताज्या निर्णयावर परराष्ट्र सचिव लिझ ट्रस यांनी ट्विट केले की, 'यावरुन रशियाने चर्चेचा मार्ग निवडण्याचा निर्णय घेतला आहे.'