युनायटेड किंगडम (United Kingdom) मधील एका महिलेलला दातांच्या उपचारासाठी वेळेवर डॉक्टर (Dentist) भेटला नाही. वेदनेला कंटाळलेल्या या 42 वर्षीय महिलेने अखेर स्वत:चे 13 दात उखडून काढले आहेत. डॅनिएल वॉट्स असे या महिलेचे नाव असून, तिला हिरड्यांचा जुनाट आजार आहे. डेली स्टारने याबाबत वृत्त प्रसिद्ध केले आहे.

डॅनिएल वॉट्स या महिलेला हिरड्यांचा जुनाट आजार आहे. दातांच्या उपचारासाठी महिलेला स्थानिक दंतचिकित्सक (National Health Service) मिळाला नाही. वेदनेने असहाय झालेल्या महिलेने अखेर तिचे 13 उखडून काढले आहेत. खाजगी उपचार परवडत नसल्याने शासकिय उपचाराच्या शोधात महिला होती. पण महिलेच्या रहिवासी भागात असलेला शासकिय दवाखाना मागील सात वर्षापासून बंद आहे. असे डेली स्टारच्या बाबतमीत म्हटले आहे.

वॉट्स बरी सेंट एडमंड्स येथील मूळ रहिवासी आहेत. वॉट्स यांचे आता केवळ 14 दात शिल्लक आहेत. दातांतील गॅप लपवण्यासाठी वॉट्स हसणे टाळतात असे त्यांनी डेली स्टारला सांगितले. वॅट यांची ही व्यथा सोशल मीडियावर (Social Media) चांगलीच व्हायरल झाली आहे.