Top 10 Millionaires Cities: न्यूयॉर्क, टोकियो आणि सॅन फ्रान्सिस्को ही अशी ठिकाणे आहेत, जिथे जगातील सर्वाधिक करोडपती लोक राहतात. ब्लूमबर्गने हेन्ली अँड पार्टनर्स ग्रुप या रेसिडेन्सी सल्लागार कंपनीचा हवाला देत अहवाल प्रकाशित केला आहे. सर्वाधिक करोडपती असलेल्या पहिल्या दहा शहरांपैकी पाच शहरे अमेरिकेतील आहेत.

या दहा शहरांची नावे पुढीलप्रमाणे आहेत.

1. न्यूयॉर्क

2. टोकियो

3. सॅन फ्रान्सिस्को खाडी क्षेत्र

4. लंडन

5. सिंगापूर

6. लॉस एंजेलिस आणि मालिबू

7. शिकागो

8. ह्यूस्टन

9. बीजिंग

10.शांघाय

ब्लूमबर्गने जारी केलेल्या यादीनुसार, 2022 च्या पहिल्या भागात न्यूयॉर्क शहराने 12 टक्के करोडपती गमावले आहेत. तर सॅन फ्रान्सिस्कोमधील करोडपतींची संख्या चार टक्क्यांनी कमी झाली आहे. या काळातच लंडन (London) शहरातील करोडपतींच्या संख्येत नऊ टक्क्यांनी घट झाली आहे.

ब्लूमबर्गच्या या अहवालानुसार, रियाध आणि शारजाहमध्ये या वर्षी आतापर्यंत सर्वाधिक करोडपतींची नोंद झाली आहे. अबुधाबी आणि दुबईमध्ये (Dubai) करोडपतींची संख्या झपाट्याने वाढल्याचे अहवालात म्हटले आहे.

दुसरीकडे, ब्लूमबर्ग अहवालाने असेही निदर्शनास आणले आहे की, बीजिंग (Beijing) आणि शांघायमधील करोडपतींच्या संख्येतही घट झाली आहे. कारण चीनमधूनच कोरोनाचा प्रादुर्भाव सुरु झाला होता.