Snickers Makers: स्निकर्स कँडी बारच्या उत्पादकांना चीनची माफी मागावी लागली आहे. कंपनीने आपल्या जाहिरातीत तैवान हा देश दाखवला होता. स्निकर्सचे निर्माता मार्स रिग्ले यांनी शुक्रवारी स्निकर्स उत्पादन लाँच केल्याबद्दल माफी मागितली. खरे तर, यापूर्वी चिनी सोशल मीडिया यूजर्संनी कँडी बारच्या जाहिरातीमध्ये तैवानला देश म्हणून दाखवण्यात आल्याचे म्हटले होते. स्निकर्स ही अमेरिकन कंपनी मार्स, इनकॉर्पोरेटेडने बनवलेली चॉकलेट बार आहे.

दरम्यान, कंपनीने अलीकडेच स्निकर्स बारची लिमिडेट एडिशन लाँच केली आहे. स्निकर्सची दावा केलेली लिमिडेट एडिशन फक्त दक्षिण कोरिया (South Korea), मलेशिया आणि तैवान या "देशांमध्ये" उपलब्ध आहे. फोटोमध्ये तैवानला (Taiwan) "देश" म्हणून संबोधले आहे. लाँच इव्हेंटमधील फोटो आणि व्हिडिओ चीनी मायक्रोब्लॉगिंग प्लॅटफॉर्म Weibo वर व्हायरल झाले. चीनमध्ये (China) प्रचंड नाराजी पाहून अमेरिकन कंपनीने माफी मागितली.

दुसरीकडे, चीन सातत्याने तैवान हा आपलाच हिस्सा आसल्याचे सांगत आला आहे. तैवान हा आपला भाग आहे आणि एक दिवस तो मुख्य भूमीशी जोडला जाईल, असे चीन म्हणत आहे. बीजिंगने स्वशासित बेटाला मुख्य भूभागाशी जोडण्यासाठी बळाचा वापर करण्याची शक्यता नाकारली नाही.

तथापि, विवाद वाढत असताना, मार्स रिग्ले यांनी शुक्रवारी त्यांच्या स्निकर्स चायना वेइबो आकाऊंटवर माफी मागितली. म्हणजेच, आता तैवानला त्यांच्या जाहिरातीत देश म्हणून संबोधित केले जाणार नाही.