Russia-Ukraine War: रशिया आणि युक्रेनमधील युद्धाची धार अधिक तीव्र झाली आहे. रशिया दिवसेंदिवस अधिक आक्रमक होत आहेत. त्यामुळे रशियन सैन्याकडून युक्रेनवर चारही बाजूने हल्ला केला जात आहे. तर युक्रेनची राजधानी कीववर कब्जा करण्याकडे वाटलाच सुरू असतानाच रशियन सैन्याने युक्रेनमधील आणखी एका शहरावर ताबा मिळवला आहे. युक्रेनच्या दक्षिणेकडे असणाऱ्या नोव्हा काखोव्हाका या शहरावर रशियाने ताबा मिळवला आहे.

युक्रेनमधील (Ukraine) नोव्हा काखोव्हाका हे छोटे शहर छोटे असून भौगोलिकदृष्ट्या महत्त्वाच्या ठिकाणी आहे. तर येथुन युक्रेनमधील मुख्य प्रशासकीय ठिकाणांवर नियंत्रण ठेवता येते. हे शहर ताब्यात घेतल्याने रशियाच्या (Russia) सैन्यांनी मुख्य प्रशासकीय ठिकाणांवर नियंत्रण मिळवले आहे. तर शहरांमधील संवेदनशील ठिकाणांना रशियन सैन्याने लक्ष्य करत युक्रेनचा ध्वज खाली उतरवला आहे.

दरम्यान, आज युक्रेनची राजधानी कीवमध्ये दोन मोठे स्फोट (Explosion)झाले. हे स्फोट शहराच्या दक्षिणेकडे झाले. या ठिकाणी युक्रेनचे मोठे लष्करी तळ आणि तेलाचे अनेक टँकर्स आहेत. या स्फोटात एका तेलाच्या टँकरला आग लागली.