Russia-Ukraine war: युक्रेनवर रशियाच्या हल्ल्याला एक महिन्याहून अधिक काळ लोटला आहे, दरम्यान, रशियाचे परराष्ट्र मंत्री सर्गेई लावरोव्ह यांनी म्हटले आहे की, ''रशिया मित्र नसलेल्या देशांच्या प्रवेशावर बंदी घालण्याच्या तयारीत आहे. एएफपी या वृत्तसंस्थेने ही माहिती दिली.''

दरम्यान, मारियुपोलप्रमाणे रशियन सैन्याने चेर्निहाइव्हला वेढा घातला आहे. रस्त्यावर मृतदेह पडलेले आहेत. लोक विनाश पाहत आहेत. रशियन सैन्याचे म्हणणे आहे की, युक्रेनमधील आमच्या लष्करी मोहिमेचा पहिला टप्पा संपला आहे. आता आमच्या सैन्यांनी पूर्व डॉनबास प्रदेशाच्या संपूर्ण "मुक्तीवर" लक्ष केंद्रित केले आहे. युएसने युद्धग्रस्त युक्रेनला नागरी संरक्षणासाठी अतिरिक्त $100 दशलक्ष मदत देण्याचे आश्वासन दिले आहे. युक्रेनला सीमा सुरक्षा, नागरी कायदा अंमलबजावणी कार्ये आणि सरकारी पायाभूत सुविधांचे संरक्षण करण्यासाठी ही मदत दिली जाईल, असे अमेरिकेचे परराष्ट्र सचिव अँटनी ब्लिंकन यांनी सांगितले.