युक्रेनचे राष्ट्राध्यक्ष वोलोडिमिर झेलेन्स्की यांनी रशियाशी युद्ध सुरु असताना पंतप्रधान नरेंद्र मोदी (Narendra Modi) यांच्याशी संवाद साधला आहे. युक्रेनच्या पंतप्रधानांचे हे पाऊल अत्यंत महत्त्वाचे मानले जात आहे. चीन आणि UAE प्रमाणे भारताने UN सुरक्षा परिषदेत निंदा प्रस्तावादरम्यान मतदान केले नाही, तर 11 सदस्यांनी रशियाच्या (Russia) विरोधात मतदान केले. सुरक्षा परिषदेत भारताच्या भूमिकेचे रशियाने कौतुक केले आहे. (President of Ukraine Volodymyr Zelensky interacts with Prime Minister Modi)

दरम्यान, पंतप्रधान मोदी यांनी यापूर्वी रशियाचे अध्यक्ष व्लादिमीर पुतीन (Vladimir Putin) यांच्याशी चर्चा केली आहे. युक्रेन संकटावर संयुक्त राष्ट्र सुरक्षा परिषदेत (UNSC) रशियाचा निषेध करणाऱ्या ठरावावर भारताने मतदान केले नाही. सर्व देशांनी मिळून यातून मार्ग काढावा. त्याचबरोबर राजनैतिक संवादाला चालना देण्याचे आवाहन देखील भारताकडून करण्यात आले. संवादाचे पर्याय खुले ठेवण्यात आला असल्याचे देखील यामध्ये म्हटले आहे.

तसेच, अधिकृत सूत्रांनी शनिवारी सांगितले की, भारताने ठरावावर मत दिलेले नाही. परंतु देशांच्या सार्वभौमत्व आणि प्रादेशिक अखंडतेचा आदर करण्याचे आवाहन भारताकडून करण्यात आले आहे. 'हिंसा आणि शत्रुत्व' त्वरित संपवण्याची मागणी यावेळी भारताने केली आहे.