पाकिस्तान फेडरल बोर्ड ऑफ रेव्हेन्यू (FBR) चे माजी अध्यक्ष शब्बर झैदी यांनी पाकिस्तानला (Pakistan) दिवाळखोर देश म्हटले आहे. सर्व काही ठीक असल्याचा इम्रान खान (Imran Khan) सरकारचा दावा खोटा असल्याचे त्यांचे म्हणणे आहे. एफबीआरचे माजी अध्यक्ष शब्बर जैदी यांनी पाकिस्तानचे दिवाळे निघाल्याचे मोठे वक्तव्य केले आहे. एका कार्यक्रमादरम्यान झैदी म्हणाले, "पाकिस्तान एक संस्था म्हणून दिवाळखोर आहे.

शब्बर झैदी(Shabbar Zaidi) पुढे म्हणाले- आमचे पंतप्रधान देशात सर्व काही चांगले असल्याचे सातत्याने म्हणत आहे. आम्ही देशात बदल आणतो परंतु चुकीचे आहे, मला वाटते की, सध्या देश दिवाळखोर आहे. ते पुढे म्हणाले, 'सगळं सुरळीत सुरु असल्याचा सरकारचा दावा आहे. मात्र या सर्व गोष्टी खोट्या आहेत.

दरम्यान, हमदर्द विद्यापीठात (Hamdard University) एका भाषणादरम्यान, पाकिस्तान फेडरल बोर्ड ऑफ रेव्हेन्यूचे माजी अध्यक्ष म्हणाले की, आम्ही हे करु किंवा ते करु, असे देशाला सांगणे म्हणजे केवळ जनतेची फसवणूक करणे होय. मात्र, आता झैदी यांनी ट्विटरवर या व्हिडिओबाबत स्पष्टीकरण दिले आहे. ते म्हणाले की, त्यांच्या भाषणाच्या केवळ तीन मिनिटांच्या क्लिपबद्दल बोलले जात आहे. मात्र पुढील तोडगाही त्यांनी बोलून दाखवला, मात्र त्याकडे कोणीही लक्ष दिले नाही.

अलीकडेच एएनआय या वृत्तसंस्थेने पाकिस्तानच्या खराब अर्थव्यवस्थेबाबत एक अहवाल प्रसिद्ध केला होता. या अहवालात असे म्हटले आहे की, आतापर्यंतच्या सर्वात मोठ्या आर्थिक संकटाचा सामना करत असलेल्या पाकिस्तानला बाह्य आर्थिक व्यवस्थेसाठी 51.6 अब्ज डॉलर्स म्हणजेच 38.73 ट्रिलियन रुपयांची भारतीय रुपयांची गरज आहे जेणेकरुन ते दोन वर्षांच्या (2021-23) आर्थिक पूर्तता करु शकतील. द न्यूज इंटरनॅशनलच्या अहवालाचा हवाला देत या अहवालात असे म्हटले आहे की, गेल्या आर्थिक वर्षात म्हणजेच 2021-22 मध्ये पाकिस्तानला 23.6 अब्ज डॉलर्सची गरज होती, जी 2022-23 मध्ये 28 अब्ज डॉलर्सवर पोहोचली आहे.