Drone Attack In Sudan: सुदानमधील लष्कर आणि निमलष्करी दल आरएसएएफ यांच्यातील संघर्षादरम्यान रविवारी राजधानी खार्तूममधील बाजारपेठेत ड्रोन हल्ला करण्यात आला. या हल्ल्यात 40 जणांचा मृत्यू झाला होता. आरोग्य कर्मचाऱ्यांनी सांगितले की, 36 हून अधिक लोक गंभीर जखमी आहेत.
सध्या सर्व जखमींना सुदानमधील (Sudan) बशीर विद्यापीठाच्या रुग्णालयात दाखल करण्यात आले आहे. मात्र, रविवारच्या ड्रोन हल्ल्यामागे कोणत्या पक्षाचा हात आहे हे अद्याप स्पष्ट झालेले नाही.
सुदानमध्ये 15 एप्रिलपासून सुरु झालेल्या गृहयुद्धानंतर नागरिकांच्या (Citizens) मृत्यूची ही सर्वाधिक संख्या आहे. हल्ले आता नागरी भागाकडे वाढत आहे. लष्कर आणि निमलष्करी दले यांच्यात एप्रिल महिन्यापासून येथे सत्तेच्या नियंत्रणासाठी संघर्ष सुरु आहे.
ऑगस्टमधील संयुक्त राष्ट्रांच्या आकडेवारीनुसार सैन्य आणि आरएसएफ यांच्यातील संघर्षात 4,000 हून अधिक लोक मरण पावले आहेत. गृहयुद्धामुळे मोठ्या संख्येने लोकांना विस्थापित व्हावे लागले आहे.
हिंसाचारामुळे सुमारे 71 लाख लोकांनी आपली घरे सोडली आहेत. 11 लाख लोकांनी परदेशात आश्रय घेतला आहे तर लाखो लोक देशात इतरत्र राहत आहेत.
युनायटेड नेशन्स रिफ्यूजी एजन्सीच्या म्हणण्यानुसार, एप्रिलपासून सुर झालेल्या गृहयुद्धामुळे सुदानमधील परिस्थिती बिकट झाली आहे. एप्रिलपासून निर्वासितांच्या संख्येतही वाढ झाली आहे. ही संख्या 7.1 दशलक्षांवर पोहोचली आहे. तर 1.1 दशलक्ष निर्वासितांनी शेजारील देशांमध्ये आश्रय घेतला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.