Laos: लाओसमधील एका खाजगी कंपनीत काम करणाऱ्या ओडिशातील काही कामगारांना ओलीस ठेवल्याचा आरोप त्यांनी व्यवस्थापनावर केला आहे. भारत सरकारने त्यांना मुक्त करावे असे आवाहन कामगारांनी केले आहे. ना पगार मिळतोय ना येथून बाहेर सोडले जात असल्याचे त्यांनी म्हटले आहे.
आग्नेय आशियाई देश लाओसमधील प्लायवूड कंपनीत काम करणाऱ्या 35 कामगारांनी एका व्हिडिओच्या माध्यमातून त्यांच्या समस्या समजावून सांगितल्या आहेत. कामगारांनी हा व्हिडिओ त्यांच्या गावातील लोकांना पाठवला आहे. ते काम करत असलेल्या कंपनीने त्यांना ओलीस ठेवल्याचा आरोप कामगारांनी केला आहे.
कामगारांनी त्यांना मुक्त करून घरी पाठवले जावे अशी विनंती व्हिडिओद्वारे सरकारला केली आहे. ज्या प्लायवूड कंपनीसाठी कामगार काम करत होते ती दीड महिन्यांपासून बंद आहे, पण त्यानंतरही त्यांना सोडले जात नाही आणि पगारही दिला जात नाही.
केंद्रपारा जिल्ह्यातील राजकनिका ब्लॉकमधील हे कामगार आहेत, कंपनीने त्यांचे पासपोर्टही काढून घेतल्याचा आरोप, कामगारांनी केला आहे. ही बाब राज्य सरकारच्या निदर्शनास आणून दिल्यावर मुख्यमंत्री नवीन पटनायक यांनी संबंधित अधिकाऱ्यांना त्यांना परत आणण्याचे निर्देश दिले आहेत.
राज्याच्या कामगार आयुक्तांनी हा मुद्दा लाओसमधील भारतीय दूतावासाकडे मांडला आहे, अशी माहिती मुख्यमंत्री कार्यालयातील एका अधिकाऱ्याने दिली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.