पाकिस्तान (Pakistan) तहरीक-ए-इन्साफ प्रमुख आणि माजी पंतप्रधान इम्रान खान (Imran Khan) यांनी नॅशनल असेंब्लीच्या रिक्त झालेल्या सर्व 9 जागांवर निवडणूक लढवणार असल्याचे सांगितले जात आहे. तसेच लाहोर उच्च न्यायालयाने याविरोधात दाखल केलेली याचिका फेटाळून लावली आहे. इम्रान खान यांच्या निर्णयाला आव्हान देणाऱ्या याचिकेवर लाहोर उच्च न्यायालयाचे न्यायमूर्ती शाहिद जमील खान यांनी सुनावणी केली आहे. (Not 1 or 2 Imran Khan will contest election on 9 seats High Court rejected the petition)

सुनावणीदरम्यान न्यायमूर्ती खान यांनी विचारले की, पाकिस्तानच्या निवडणूक आयोगाच्या (ECP) कार्यालयात नामनिर्देशनपत्र दाखल करण्यात आले आहे का, ज्याबद्दल याचिकाकर्त्याने चिंता व्यक्त केली आणि तसे न झाल्यास याचिकाकर्त्याला आता प्रतीक्षा करावी लागणार आहे. उमेदवारी अर्ज सादर केल्यानंतरच तक्रार वैध ठरेल आणि त्यानंतर तुम्ही निवडणूक आयोग आणि नंतर कोर्टात जाऊ शकता.

याचिकाकर्त्याने 'राष्ट्रीय हिताचा' दिला हवाला

न्यायालयाच्या निरीक्षणानंतर याचिकाकर्त्याच्या वकिलाने आपली याचिका मागे घेतली आहे. यासह न्यायमूर्ती खान यांनी याचिका फेटाळून लावली आहे. इम्रान खान यांना सर्व नऊ जागांवर होणारी पोटनिवडणूक लढवण्यापासून रोखण्यात यावे, अशी विनंती याचिकाकर्त्याने न्यायालयाकडे केल्याची माहिती समोर येत आहे. त्यासाठी 'राष्ट्रहिताचा' हवाला देण्यात आला आहे.

25 सप्टेंबर रोजी होणार पोटनिवडणूक

पाकिस्तानच्या निवडणूक आयोगाने गेल्या आठवड्यात जाहीर केले की नॅशनल असेंब्लीच्या (NA) जागांसाठी 25 सप्टेंबर रोजी पोटनिवडणूक होणार आहे. खरं तर, पक्षप्रमुखांना हटवल्यानंतर PTI MNA ने दिलेल्या 131 राजीनाम्यांपैकी 11 आयोगाने हे स्वीकारले होते मात्र या निर्णयानंतर लगेचच इम्रान खान यांनी जागांवर उमेदवारी जाहीर केली.