Nancy Pelosi Taiwan Visit: चीनच्या तीव्र विरोधानंतर अमेरिकेच्या सिनेटर नॅन्सी पेलोसी तैवानमध्ये पोहोचल्या आहेत. तैवानमध्ये दाखल होताच पेलोसी यांची प्रतिक्रिया आली आहे. त्यांनी ट्विट करत म्हटले की, 'आम्ही तैवानमधील लोकशाहीचे समर्थक आहोत. माझी तैवान भेट अमेरिकेच्या नियमांचे उल्लंघन करत नाही.'

दरम्यान, पेलोसी यांच्या आगमनानंतर तैवानमध्ये (Taiwan) लेव्हल टू अलर्ट जारी करण्यात आला आहे. चीनमध्ये नागरी संरक्षणाचे सायरन वाजत आहेत. पेलोसी यांच्या दौऱ्यावर चीनच्या (China) परराष्ट्र मंत्रालयाने तीव्र प्रतिक्रिया व्यक्त केली आहे. अमेरिकेने दिलेली आश्वासने आणि विश्वास मोडला आहे.

दुसरीकडे, तैवानबाबत अमेरिका (America) चीनशी दोन हात करण्यास तयार असल्याचे सांगितले जात आहे. नॅन्सी पेलोसी यांचा तैवान दौरा अधिकृत असल्याचे अमेरिकेने सांगितले आहे. तर चीन अमेरिकन सिनेटरच्या तैवान दौऱ्याकडे स्वतःला आव्हान म्हणून पाहत आहे. प्रस्तावित दौऱ्याव्यतिरिक्त, नॅन्सी पेलोसी यांचे तैवानमध्ये आगमन झाले आहे.

तसेच, पेलोसी तैवानमध्ये आल्यानंतर काही वेळातच चीनच्या परराष्ट्र मंत्रालयाने एक निवेदन जारी केले आहे. 'अमेरिकेने दिलेले आश्वासन मोडले आहे. त्यामुळे आता परिणामांना सामोरे जाण्याची अमेरिकेने तयारी ठेवावी. अमेरिका एक धोकादायक जुगार खेळत असल्याचे चीनने जारी केलेल्या निवेदनात म्हटले आहे.