Naked Man Festival in Japan: साउथ चायना मॉर्निंग पोस्टच्या वृत्तानुसार (South China Morning Post), जपानमधील एका मंदिराने 1250 वर्षांत पहिल्यांदाच महिलांना 'नेकेड मॅन' फेस्टिव्हलमध्ये सहभागी होण्याची परवानगी दिली आहे. या परवानगीने इतिहास रचला गेला आहे, इतिहासात पहिल्यांदाच महिला अशा फेस्टिव्हलमध्ये सहभागी होणार आहेत. जपानचा पारंपारिक सण 'हदाका मात्सुरी' (Hadaka Matsuri) आइची प्रांतातील (Aichi) इनाझावा (Inazawa) येथील कोनोमिया श्राइनने (Konomiya Shrine) आयोजित केला आहे. यावर्षी 22 फेब्रुवारी रोजी होणाऱ्या या पारंपारिक फेस्टिव्हलमध्ये सुमारे 10,000 स्थानिक पुरुष सहभागी होण्याची शक्यता आहे.
दरम्यान, केवळ पुरुषांसाठी आयोजित करण्यात येत असलेल्या या पारंपरिक उत्सवाच्या प्रथांमध्ये बदल करण्यात येणार आहे, कारण यंदा सुमारे 40 महिलांना उत्सवातील काही विधींमध्ये सहभागी होण्याची परवानगी असेल. द इंडिपेंडंटमधील वृत्तानुसार, स्त्रिया लंगोटी घातलेल्या आणि जवळजवळ नग्न पुरुषांमध्ये पारंपारिक न्यूट्री आणि हॅपी जॅकेट परिधान करुन सहभागी होऊ शकतील. त्यांना 'नाओइज़ासा संस्काराचा' (Naoizasa Rite) भाग म्हणून लिननमध्ये गुंडाळलेले गवत मंदिराच्या मैदानात नेण्याची परवानगी दिली जाईल.
आयोजक समितीचे अधिकारी मित्सुगु कात्यामा म्हणाल्या की, कोरोना महामारीमुळे गेल्या तीन वर्षांपासून आम्हाला हा फेस्टिव्हल पूर्वीसारखा भरवता आला नाही आणि त्यावेळी आम्हाला शहरातील महिलांकडून मोठ्या प्रमाणावर फेस्टिव्हलमध्ये सहभागी करुन घेण्यासाठी विनंत्या आल्या होत्या. त्या पुढे म्हणाल्या की, पूर्वी महिलांना या फेस्टिव्हलमध्ये भाग घेण्यास स्पष्टपणे बंदी नव्हती, परंतु त्यांनी स्वतःच्या इच्छेने ते टाळणे पसंत केले होते. या प्रदेशातील महिला आणि जेंडर एक्टिविस्ट यांनी समानतेसाठी या निर्णयाचे स्वागत केले आहे.
जपानचा पारंपारिक सण 'हदाका मात्सुरी' दरम्यान हजारो जपानी पुरुष लंगोटी घालतात, ज्याला 'फंडोशी' म्हणतात. नग्न पुरुषांच्या उत्सवात सहभागी होणारे पुरुष फंडोशी वगळता पांढरे मोजे घालतात. पुरुष या उत्सवातील पहिले काही तास मंदिराच्या परिसरात घालवतात आणि समारंभाचा एक भाग म्हणून बर्फाच्या थंड पाण्याने आंघोळ करतात, त्यानंतर ते मुख्य मंदिराकडे जातात. सहभागी लोक नंतर मंदिराच्या पुजाऱ्याने फेकलेल्या डहाळ्यांच्या 100 बंडलमधून दोन काठ्या मिळवण्यासाठी स्पर्धा करतात. त्यानंतर सहभागीमधून 'निवडलेला व्यक्ती' किंवा शिन-ओटोकोला स्पर्श करण्याचा प्रयत्न करतात, कारण ते वर्षासाठी शुभेच्छा आणतात. मात्र, चेंगराचेंगरीमुळे अनेकदा सहभागी पुरुष जखमी होऊन कार्यक्रमातून बाहेर पडतात.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.