कोरोना लसीच्या पेटंटमध्ये छेडछाड केल्याप्रकरणी, औषध निर्माता मॉडेर्ना (Moderna) कंपनीने प्रतिस्पर्धी आणि लस निर्मात्या फायझर आणि बायोएनटेक (BioNTech) वर खटला दाखल करण्याच्या तयारीत आहे. कोरोना लसीच्या पेटंटमध्ये छेडछाड केल्याचा आरोप मॉडेर्नाने केला आहे. पेटंट म्हणजे एखाद्या कंपनीला विशिष्ट उत्पादनासाठी विशेष कायदेशीर अधिकार देतात.

'मॉडर्नाच्या mRNA तंत्रज्ञानाच्या पेटंटमध्ये Pfizer आणि BioNTech यांनी कॉमिर्नटी (Comirnaty), कोविड लस तयार करताना छेडछाड केली.' असे Moderna ने आपल्या निवेदनात म्हटले आहे.

मॉडर्ना कंपनीच्या ओमिक्रॉन विरोधातील कोरोना बूस्टर डोसला नुकतीच ब्रिटनकडून मंजुरी मिळाली. कोरोनाचा ओमिक्रॉन व्हेरींट सध्या जगभरात पसरला आहे. ब्लूमबर्गच्या मते, स्पाइकव्हॅक्स बायव्हॅलेंट ओरिजिनल/ओमिक्रॉन (Spikevax Bivalent Original/ Omicron) यूकेमध्ये हिरवा कंदील दाखवला आहे. लवकरच इतर देशांत त्याला मान्यता मिळेल.