सत्ताधारी पीटीआयचे खासदार पाकिस्तानच्या (Pakistan) नॅशनल असेंब्लीमधील अविश्वास ठराव टाळण्यासाठी हाय व्होल्टेज ड्रामा करत आहेत असं म्हटलं तरी वावगं ठरणार नाही. पंतप्रधान इम्रान खान (PM Imran Khan) आणि त्यांचे सहकारी परदेशी षड्यंत्राचा हवाला देत संसदेत चर्चेची मागणी करत आहेत. दरम्यान, माजी पंतप्रधान नवाझ शरीफ यांच्या मुलीने इम्रान खान यांना विक्षिप्त आणि मनोरुग्ण असल्याचे म्हटले आहे. दुसरीकडे, इम्रान खान यांच्या पक्ष पीटीआयने पाकिस्तानच्या सर्वोच्च न्यायालयात (Supreme Court of Pakistan) अविश्वास प्रस्तावाविरोधात पुनर्विचार याचिका दाखल केली. (Miserable and mentally ill Imran Khan is keeping the country hostage for chair Maryam Nawaz)

अविश्वास प्रस्तावावरून नॅशनल असेंब्लीमध्ये झालेल्या गदारोळात मरियम नवाज यांनी शनिवारी इम्रान खान यांना मनोरुग्ण असल्याचे म्हटले आहे. ती म्हणाली, "ज्या व्यक्तीला आता संवेदनाच उरल्या नाहीत च्या व्यक्तीला संपूर्ण देशाला उद्ध्वस्त करण्याची परवानगी दिली जाऊ शकत नाही आणि हा विनोद नाहीये. त्याला पंतप्रधान किंवा माजी पंतप्रधान मानू नका." एक मनोरुग्ण जो आपली खुर्ची वाचवण्यासाठी संपूर्ण देशाला ओलिस ठेवत आहे."

पाक विधानसभेच्या कामकाजाबद्दल बोलायचे झाले तर, सकाळी 10.30 वाजल्यापासून पीटीआयच्या खासदारांनी अविश्वास प्रस्तावावर मतदान न करण्याची मागणी करत गोंधळ घालायला सुरुवात केली. यादरम्यान विरोधी पक्षाचे खासदार आणि पीटीआयच्या खासदारांमध्ये जोरदार वादावादीही झाल्याचे समोर आले. या वेळी विरोधी पक्षाच्या खासदारांनी अविश्वास ठरावावर मतदानासाठी रात्री 8 वाजताची वेळ मागितली होती. भारतीय वेळेनुसार रात्री 8.30 वाजता संसदेत मतदान पार पडणार आहे.

आज माझ्या सरकारचा शेवटचा दिवस!

संसदेच्या कामकाजादरम्यान इम्रान खानचे मंत्री शाह मेहमूद कुरेशी यांनी सभागृहाला संबोधित केले, ते त्यावेळी म्हणाले की, कदाचित आज माझ्या सरकारचा शेवटचा दिवस आहे, आणि त्यांचा आवाज संसदेत गुंजला- इन्शाअल्लाह.