फ्रान्समधून एक धक्कादायक आणि तितकीच किळसवाणी घटना समोर आली. एका पतीने चक्क स्वत:च्या पत्नीलाच रोज अंमली पदार्थ देऊन बाहेरच्या पुरूषांना तिच्यावर बलात्कार करण्यासाठी घरी बोलवले. द टेलिग्राफने याबाबत वृत्त प्रसारित केले असून, तब्बल दहा वर्षे हा प्रकार सुरू होता तसेच, तपासादरम्यान, 92 अशा प्रकरणांचा उलघडा झाला आहे.

प्रकरण दाखल झाल्यानंतर पोलिसांनी याप्रकरणात आजवर 26 ते 73 वयोगटातील पन्नास पुरुषांना अटक केली आहे. पोलिसांना संशयित आरोपी पुरूषांवर बलात्काराचा गुन्हा दाखल केला आहे.

संशयित आरोपींमध्ये फायरमन, लॉरी ड्रायव्हर, म्युनिसिपल कौन्सिलर, बँकेतील आयटी कर्मचारी, जेल गार्ड, एक नर्स आणि पत्रकार यांचा समावेश आहे. तसेच, पोलिस यातील सहभागी लोकांचा शोध घेत आहेत.

द टेलिग्राफने दिलेल्या वृत्तानुसार, आरोपी पत्नीच्या जेवणात औषध मिसळून ही घाणरेडे कृत्य करायचा असा आरोप केला जात आहे.

आरोपी त्याच्या घरी परपुरूषांना बोलवून पत्नीसोबत लैंगिक कृत्य करण्यास भाग पाडायचा. शिवाय त्याने 51 अशा लैंगिक कृत्यांचे व्हिडिओ रेकॉर्डिंग देखील केले आहे. अशी माहिती समोर आली आहे.

2011 ते 2020 या दहा वर्षांच्या काळात या घटना घडल्याचे पोलिसांनी म्हटले आहे. धक्कादायक बाब म्हणजे त्याचे लग्न होऊन अनेक वर्षे झाली आहेत, त्या दोघांना तीन मुले देखील आहेत. तीव्र वास येऊ नये म्हणून तंबाखू आणि परफ्यूम घरी घेऊन येत नसे. याशिवाय कोणाला संशय येऊ नये म्हणून देखील तो अधिक खबरदारी घेत होतो. असे तपासातून समोर आले आहे.