अमेरिकेचे राष्ट्राध्यक्ष जो बायडन (Joe Biden) शुक्रवारी दक्षिण कोरियामध्ये (South Korea) दाखल झाले आहेत. बायडन यांचा राष्ट्रपती म्हणून हा पहिलाच आशिया दौरा आहे. सोलमध्ये त्यांचे आगमन झाल्यावर, दक्षिण कोरियाचे परराष्ट्र सचिव पार्क जिन आणि कोरियातील यूएस आर्मीचे कमांडिंग जनरल पॉल लाचेमेरा, इतर अमेरिकन आणि दक्षिण कोरियाच्या अधिकाऱ्यांनी यावेळी स्वागत केले. (Joe Biden on tour of South Korea He will soon meet with President Eun Sok yul)

शुक्रवारी दिवसाच्या उत्तरार्धात, पूर्व-निर्धारित वेळापत्रकानुसार बायडेन दक्षिण कोरियाचे अध्यक्ष यून सुक-योल (Yoon Seok youl) यांची देखील भेट घेणार आहेत. बायडेन 24 मे रोजी जपानमध्ये होणार्‍या क्वाड समिट 2022 ला देखील उपस्थित राहतील. अमेरिकेचे राष्ट्राध्यक्ष जो बायडेन आणि त्यांचे दक्षिण कोरियाचे समकक्ष युन सुक-योल परमानुवर चर्चा करणार आहेत, असे एका अमेरिकी अधिकाऱ्याने शनिवारी सांगितले आहे. उत्तर कोरियाकडून दक्षिण कोरियाला असलेल्या धोक्यावरही या बैठकीत चर्चा केली जाणार आहे.

उत्तर कोरियाशी संबंध चांगले

बायडेन प्रशासनातील एका वरिष्ठ अधिकाऱ्याने यावेळी सांगितले की, अमेरिका कूटनीतीद्वारे उत्तर कोरियाशी संबंध सुधारण्याचा प्रयत्न देखील करत आहे. आपणास सांगूया की सध्या उत्तर कोरिया गंभीर कोरोना महामारीतून जात आहे. उत्तर कोरियाकडे पुरेशा संसाधनांचा साठा नाही जेणेकरून किम जोंगचे (Kim Jong-un) सरकार उत्तर कोरियाच्या लोकांना आरोग्य सुरक्षा देऊ शकेल.