इराणमधून एक मोठी बातमी समोर आली आहे. इराणमधील (Firing In Iran) सेंट्रल मार्केटमध्ये हल्लेखोरांनी बेछूट गोळीबार केला. यामध्ये पाच जणांचा मृत्यू झाला असून 10 जण जखमी झाल्याची माहिती मिळत आहे.

इराणच्या IRNA वृत्तवाहिनीने ही माहिती दिली आहे. मिळालेल्या माहितीनुसार, दक्षिण-पश्चिम इराणमधील इजेह शहरात (Izeh City) गोळीबाराची ही घटना घडली आहे. या मार्केटमध्ये हल्लेखोरांनी बेछूट गोळीबार केला, या घटनेची माहिती देताना, वृत्तसंस्था IRNA ने सांगितले की, हल्लेखोर दोन मोटरसायकलवरून एजेह शहराच्या सेंट्रल मार्केटमध्ये पोहोचले आणि तिथल्या नागरिकांवर तसेच सुरक्षा दलांवर गोळीबार केला. यात पाच लोक ठार झाले आणि किमान 10 जखमी झाले. पण आतापर्यंत या हल्ल्याची जबाबदारी कोणीही स्वीकारलेली नाही.