नवी दिल्ली: भारत-चीन संबंधांचा (Indo-China relations) पाया खराब (Bad foundation) झाला असून, दोघांमध्ये झालेल्या कराराचे बीजिंगकडून पालन केले जात नाही. अशी माहिती परराष्ट्रमंत्री जयशंकर (Foreign Minister Jaishankar) यांनी दिली आहे.

जयशंकर म्हणाले, गेल्या 40 वर्षांपासून बीजिंगशी आमचे अतिशय चांगले संबंध होते. परंतु गेल्या एक वर्षापासून चीन सोबतचे नाते चिंताजनक झाले आहे. भारत-चीन यांच्यात झालेल्या कराराचे चीनने आकलन करणे गरजेचे आहे. चीन दुसऱ्या क्रमांकाचा व्यापारी भागीदार म्हणून उदयास आला आहे. मॉस्कोतील प्राइमाकोव्ह इंस्टिट्यूट ऑफ वर्ल्ड इकोनॉमी अँड इंटरनॅशनल रिलेशनशिप या विषयावर भारत-चीन संबंधाबाबत उत्तर देताना जयशंकर बोलत होते.

दोन देशातील अणवस्त्रांच्या स्पर्धेच्या बाबात ते म्हणाले, चिनी अणुप्रक्रियेत भारतापेक्षा गतिमान आहे. भारत-चीन यांच्यात अण्वस्त्रांची शर्यत नाही. चीन हा 1964 मध्ये अणुशक्ती देश बनला तर भारत 1998 मध्ये अणुवस्त्रधारी बनला आहे.

दुसऱ्या महायुध्दानंतर भारत आणि रशिया यांच्यात चांगले संबंध निर्माण झाले आहेत. अमेरिका, युरोप, चीन, जपान, तुर्की किंवा इराण यांच्यातील संबंधात रशियाचे चढ-उतार आले असतील पण भारताच्या फारसे तसे झाले नाही. काही मुद्द्यांमध्ये बदल झाले असतील पण संबंध अद्याप चांगलेच आहेत.

जयशंकर यांनी तेहरान ते मॉस्कोमार्गे जाणाऱ्या प्रवासात इराणी नेतृत्त्वाशी अफगाणिस्तानच्या परिस्थितीबाबत चर्चा केली. या दोन देशांतील नेत्यांनी रिजनल आणि ग्लोबल परिस्थिती विषयी चर्चा केली.