Shoaib Akhtar statement on being richer than Pakistan

कराची: नेहमी वादग्रस्त विधान करण्यात पटाईत असणाऱ्या पाकिस्तानाच्या माजी क्रिकेटर शोएब अख्तरने त्यांच्या देशापेक्षा जास्त श्रीमंत होण्याच्या इच्छा व्यक्त केलीय. मला पाकिस्तानपेक्षा जास्त श्रीमंत व्हायचंय, असं शोएबने म्हटलंय. पाकिस्तान चीनकडून घेतलेल्या कर्जाच्या बोजाखाली दबला असून, देशाची अर्थव्यवस्था डबघाईला आलीय.

रावळपिंडी एक्सप्रेस प्रसिद्ध असणाऱ्या शोएब अख्तरने TNKS पॉडकास्टच्या कार्यक्रमात पाकिस्तानमधील पहिला अमेरिकन डॉलर अब्जाधीश होण्याची महत्त्वाकांक्षा व्यक्त केली. एक दिवस संपूर्ण पाकिस्तानपेक्षा श्रीमंत होण्याचे त्यांचे ध्येय असल्याचे अख्तरने नमूद केले. अख्तरने यावेळी कोहली विरुद्ध तेंडुलकर वादावरही भाष्य केले. सध्याच्या काळातील वेगवान गोलंदाजी मानके आणि तेंडुलकरच्या काळातील फरक अधोरेखित केला.

'मी पाकिस्तानचा पहिला अमेरिकन डॉलर अब्जाधीश होणार आहे. मला एक दिवस पाकिस्तानपेक्षा श्रीमंत व्हायचे आहे. मी चेष्टा करत नाहीये. मी याबाबत गंभीर आहे', असं अख्तर म्हणाला.शोएब अख्तरने पॉडकास्टवर

उपलब्ध आकडेवारीनुसार, पाकिस्तानी उद्योगपती मियां मुहम्मद मनशा यांची अंदाजे एकूण संपत्ती 5 अब्ज डॉलर आहे. त्यामुळे पाकिस्तानचा 'पहिला' अब्जाधीश होण्याचे लक्ष्य ठेवण्याचा अख्तरचा दावा असामान्य वाटतो.

यावेळी शोएबने सचिन आणि विराटची होणारी तुलना यावर देखील भाष्य केले. 'सचिन एक महान खेळाडू होते. विराट पण महान खेळाडू आहे पण, विराटची सचिनसोबत तुलना नाही होऊ शकत. सचिनने प्रतिभावान गोलंदाजांचा सामना केला आहे. रिकी पॉन्टिंग देखील प्रतिभावान खेळाडू होता', असे शोएब म्हणाला.