अफगाणिस्तानची राजधानी काबूलमध्ये (Kabul) पगार न मिळाल्याने सरकारी कर्मचारी रस्त्यावर उतरून आंदोलन करत आहेत. स्थानिक मीडियाने ही माहिती दिली आहे. तालिबानच्या (Taliban) ताब्यात आल्यापासून येथील परिस्थिती सातत्याने बिघडत चालली आहे. एका न्यूजच्या वृत्तानुसार, सरदार मोहम्मद दाऊद खान रुग्णालय आणि शहरी विकास आणि जमीन मंत्रालय (MUDL) च्या दहा कर्मचाऱ्यांनी राजधानी काबूलमध्ये त्यांच्या प्रलंबीत पगाराची रक्कम न दिल्याबद्दल दोन स्वतंत्र निदर्शने केली.

सरदार मोहम्मद दाऊद खान रुग्णालयातील डॉक्टरांची तक्रार आहे की, त्यांना गेल्या 11 महिन्यांपासून पगार मिळालेला नाही. वृत्तानुसार समीर अहमदच्या हवाल्याने म्हटले आहे की, 'गेल्या सहा महिन्यांपासून मला पगार मिळालेला नाही. (राष्ट्रपती अश्रफ) घनी यांच्या कार्यकाळातील दीड महिन्याचे वेतन बाकी आहे आणि पाच महिन्यांचा पगारही बाकी आहे.

एका महिला डॉक्टर म्हणाल्या, 'आम्ही वाहतुकीचे पैसे देतो (कामावर येण्यासाठी). डॉलरचे मूल्य वाढले, अन्नधान्याच्या किमती वाढल्या. आम्ही आमचा पगार मागण्यास बांधील आहोत. मोहम्मद दाऊद खान रुग्णालयातील कर्मचाऱ्यांनी सांगितले की, त्यांना भयानक आर्थिक परिस्थितीचा सामना करावा लागत आहे. MUDL च्या कर्मचार्‍यांनी वेगळ्या निषेधात इस्लामिक अमिरातीला मंत्रालयासाठी नवीन कार्यवाहक प्रमुखाची ओळख करून देण्याचे आवाहन केले.

कर्मचाऱ्यांनी सांगितले की, त्यांना गेल्या सात महिन्यांपासून त्यांची देयके मिळालेली नाहीत, असे वृत्त न्यूजने दिले आहे. "मला गेल्या सात महिन्यांपासून पगार मिळालेला नाही. माझ्याकडे घराचे भाडे, वीज बिल आणि इंटरनेटसाठी पैसे नाहीत," एमयूडीएलचे कर्मचारी नजीबुल्ला दोस्ती यांनी सांगितले. "देशभरातील राजधानी आणि प्रांतांमध्ये 10,000 हून अधिक कर्मचारी अनिश्चित नशिबात आहेत," खोशबख्तुल्ला अयोबी म्हणाले.