श्रीलंकेत आणीबाणी आणि निदर्शने सुरूच आहेत. दरम्यान, श्रीलंकेचे राष्ट्रपती गोटाबाया राजपक्षे मालदीवमधून सिंगापूरला (Gotabaya Rajapaksa) जाण्याचा प्रयत्न करत आहेत. गोटाबाया राजपक्षे यांनी मालदीव सरकारकडे सिंगापूरला जाण्यासाठी खासगी जेटची मागणी केली आहे. डेली मिरर ऑफ श्रीलंकेच्या वृत्तानुसार, श्रीलंकेचे राष्ट्रपती गोटाबाया राजपक्षे मालदीवमधून खासगी जेटने रवाना होण्याची वाट पाहत आहेत. (Sri Lanka Crisis Gotabaya Rajapaksa News)

श्रीलंका डेली मिररच्या रिपोर्टनुसार, राष्ट्रपती गोटाबाया राजपक्षे सिंगापूर एअरलाइन्सच्या विमानाने मालदिवहून सिंगापूरला जाण्यासाठी रवाना झाले नाहीत, परंतु आता ते एका खाजगी विमानाने प्रवास करण्यास उत्सुक आहेत.

* गोटाबाया राजपक्षे खाजगी जेटने सिंगापूरला जाणार का?

श्रीलंकेचे राष्ट्रपती गोटाबाया राजपक्षे आणि त्यांची पत्नी इओमा राजपक्षे हे बुधवारी रात्री SQ-437 वर त्यांच्या दोन सुरक्षा अधिका-यांसह मालदिव येथून सिंगापूरला रवाना होतील, परंतु सुरक्षेच्या कारणास्तव ते विमानात चढले नाहीत, असे मालदीवच्या (Maldives) सूत्रांनी मीहिती दिली आहे. त्यांनी मालदीव सरकारकडे खासगी जेटची मागणी केली आहे. मालदीव ते सिंगापूरला (Singapore) जाण्यासाठी श्रीलंकेच्या राष्ट्राध्यक्षांसाठी खासगी जेट सुरक्षित करण्यासाठी आता वाटाघाटी सुरू आहेत. (Sri Lanka Gotabaya Rajapaksa News Updates)

* राजपक्षे श्रीलंकेतून मालदीवमध्ये पळून गेले

देशाची अर्थव्यवस्था ढासळल्यानंतर वाढत्या जनक्षोभाच्या पार्श्वभूमीवर गोटाबाया राजपक्षे यांनी राजीनामा जाहीर केला होता. श्रीलंकेच्या हवाई दलाने एका निवेदनात म्हटले आहे की, राजपक्षे त्यांच्या पत्नी आणि दोन सुरक्षा अधिकाऱ्यांसह लष्कराच्या विमानातून देश सोडून मालदीवला गेले. मीडिया रिपोर्ट्सनुसार, मालदीवमधील नागरी उड्डाण प्राधिकरणाने लष्करी विमानाला देशात उतरवण्याची सुरुवातीची विनंती नाकारली होती. परंतु नंतर अध्यक्ष नशीद यांच्या विनंतीवरून विमानाला उतरण्याची परवानगी देण्यात आली.