Nobel In Literature: फ्रान्सच्या लेखिका अॅनी अर्नो (Annie Ernaux) यांना 2022 चा साहित्यातील नोबेल पुरस्कार जाहीर झाला आहे. स्वीडनची राजधानी स्टॉकहोम येथे नोबेल प्राईझ वीक सुरू असून या वीकच्या चौथ्या दिवशी साहित्यातील नोबेल पुरस्काराची घोषणा करण्यात आली.

82 वर्षीय अॅनी यांनी जवळपास 40 पुस्तके लिहिली आहेत. अॅनी यांच्या साहित्यात साहस आणि भावनांचा संगम दिसून येतो. त्यांची भाषा खूपच सोपी आहे, असे नोबेल पुरस्कार समितीने त्यांचे नाव घोषित करताना म्हटले आहे.

नोबेल समितीने म्हटले आहे की, अॅनी यांची भाषा खूपच सोपी आहे. आणि सोप्या भाषेत त्यांनी गंभीर मुद्यांची चर्चा त्यांच्या लिखाणातून केली आहे. त्यांच्या साहित्यात साहस आणि संवेदनशीलता दिसून येते. त्यांनी प्रत्येक वर्ग आणि घटकाला आपल्या लिखाणात सामावून घेतले आहे.

अर्नो यांच्या एखूण साहित्यसंपदेतील 90 टक्के पुस्तके फ्रेंच भाषेत आहेत. त्यातील काही पुस्तकांचा इंग्रजीत अनुवाद झाला आहे. यात पॅशन सिम्पल, ला पॅलेस, द इयर्स, अ फ्रोजन वुमन, हॅपनिंग्ज आणि डु व्हॉट आर द एल्स या पुस्तकांचा समावेश आहे.

दरम्यान, नोबेल वीकमध्ये आत्तापर्यंत आत्तापर्यंत फिजिक्स, केमिस्ट्री, वैद्यकीय आणि साहित्यातील नोबेल पुरस्कारांची घोषणा झाली आहे. सर्वात शेवटी 10 ऑक्टोबर रोजी अर्थशास्त्रातील नोबेल प्राईझची घोषणा केली जाईल. या पुरस्कारांचे वितरण डिसेंबरमध्ये स्टॉकहोममध्ये केले जाते, केवळ शांततेसाठी दिला जाणारा नोबेल पुरस्कार नॉर्वेमध्ये प्रदान केला जातो.