China Flight Crash: चीनमध्ये मार्च महिन्यात क्रॅश झालेल्या जेट विमानाबाबत धक्कादायक खुलासा झाल्याचे समोर आले आहे. ब्लॅक बॉक्स डेटावरून असे सूचित होते की हे विमान जाणूनबुजून चीनमध्ये क्रॅश करण्यात आले होते. वॉल स्ट्रीट जर्नलने मंगळवारी मार्चमध्ये क्रॅश झालेल्या चायना इस्टर्न एअरलाइन्सच्या जेटमधून मिळालेल्या ब्लॅक बॉक्समधील फ्लाइट डेटाकडे सगळ्यांचे लक्ष वेधले होते, यूएस अधिका-यांच्या प्रारंभिक मूल्यांकनाशी परिचित लोकांचा हवाला देऊन कोणीतरी जाणूनबुजून कॉकपिटमध्ये विमान क्रॅश केल्याचे समोर आले आहे. (China Black Box Data)

चीनमध्ये जाणूनबुजून विमान दुर्घटना घडली होती का?

एका पाश्चात्य अधिकाऱ्याने रॉयटर्स वृत्तसंस्थेला सांगितले की, तांत्रिक बिघाडाची कोणतीही चिन्हे न दिसल्यानंतर प्राथमिक तपासणीत क्रूच्या कृतींवर लक्ष केंद्रित केले गेले. ब्लॅक बॉक्स डेटावरून असे दिसून आले आहे की विमानात जाणूनबुजून छेडछाड करण्यात आली आणि विमान उंचीवरून खाली आणले गेले आणि क्रॅश झाले. सध्या जेट बनवणाऱ्या बोइंग कंपनीने याबाबत काहीही बोलण्यास नकार दिला आहे. त्याच वेळी, यूएस नॅशनल ट्रान्सपोर्टेशन सेफ्टी बोर्ड (NTSB) ने देखील याबाबत खुलासा केला नाही.

मार्चमध्ये चिनी विमानाचा अपघात झाला होता

या वर्षी मार्चमध्ये चीनच्या नैऋत्य भागात, एक बोईंग 737-800 जेट गुआंगशीच्या पर्वतांमध्ये कोसळले होते. विमान अचानक उंचावरून खाली पडल्याने मोठा अपघात झाला होता. विमानातील सर्व 123 प्रवासी आणि 9 क्रू मेंबर्स मृत्युमुखी पडले होते. चीनसाठी 28 वर्षांतील ही सर्वात प्राणघातक विमान वाहतूक आपत्तीजनक घटना होती.

कटामागे कोणाचा हात?

एप्रिलच्या मध्यात, चायना इस्टर्न एअरलाइन्सने 737-800 फ्लाइटचा वापर पुन्हा सुरू केला. तज्ञांच्या मते, गेल्या महिन्यात त्यांच्या प्रारंभिक अपघात अहवालाच्या सारांशात, चीनी नियामकांनी 737-800 वर कोणत्याही तांत्रिक समस्यांकडे लक्ष वेधले नाही, जे 1997 पासून मजबूत सुरक्षा रेकॉर्डसह सेवेत आहे. मात्र, मार्चमध्ये विमान कोसळण्याचा कट कोणाच्या इशाऱ्यावर करण्यात आला होता, हा प्रश्न अद्यापही कायम आहे.