इंडोनेशियात एका इंधन डेपोमध्ये लागलेल्या भीषण आगीच्या घटनेत 14 जणांचा होरपळून मृत्यू झाला आहे. तर अनेक लोक गंभीर जखमी झाले आहेत अशी माहिती मिळाली आहे. बचाव पथक घटनास्थळी दाखल झाले असून अनेकांना बाहेर काढण्यात यश मिळाले आहे.

मिळालेल्या माहितीनुसा, सरकारी इंधन डेपो आणि गॅस कंपनी असलेल्या 'पर्टामिना'च्या डेपोला ही भीषण आग लागली आहे. उत्तर जकार्ताजवळील तनाह मेराह या दाट लोकवस्तीजवळ असलेल्या या डेपोला आग लागल्याचं वृत्त आहे. या डेपोमधून संपूर्ण इंडोनेशियात सुमारे 25 टक्के इंधनाचा पुरवठा होतो.

दरम्यान, आगीवर नियंत्रण मिळवण्यासाठी 180 अग्निशमनचे बंब आणि 37 फायर इंजिन्स प्रयत्न करत आहेत. ज्वलनशील पदार्थ असल्याने आगीच्या ज्वाळा खूपच उंचच उच उठल्या आहेत, असं घटना स्थळी असलेल्या लोकांनी माहिती दिली आहे.