रशिया-युक्रेन युद्धामुळे संतप्त झालेल्या युरोपियन स्पेस एजन्सीने (ESA) रशियन स्पेस एजन्सीला (Roscosmos) मंगळ मोहिमेतून बाहेर काढले आहे. आता या मोहिमेत रशियन शास्त्रज्ञ आणि अभियंते यांची मदत घेतली जाणार नाही. या मोहिमेसाठी येणारा खर्च सुमारे 8433 कोटी रुपये आहे.

यामध्ये युरोपीय देशांसह रशियाचाही समावेश होता. ही मोहीम सप्टेंबरमध्ये होणार होती. ईएसएचे महासंचालक जोसेफ एश्बॅशर यांनी सांगितले की, एक्सोमार्स हे रोव्हर मंगळावर वातावरणाची तपासणी करण्यासाठी पाठवले जाणार होते. मात्र आता पूर्वनियोजित वेळेला हे लॉन्चिंग होणार नाही, कारण सध्याची परिस्थिती चांगली नाही. युरोपीय देशांनी रशियाला (Russia) या मोहिमेतून बाहेर काढले आहे. आता या रोव्हरच्या लाँचिंगबाबत पुन्हा नियोजन करण्यात येणार आहे. त्यानुसार तयारी केली जाईल.

रशियाला मंगळ मोहिमेतून बाहेर काढल्यानंतर आता हे रोव्हर मंगळावर कसे नेले जाईल याचा अभ्यास केला जात आहे. यासाठी आता अमेरिकेची (America) अंतराळ संस्था नासासोबत बोलणी सुरू आहे. नासा (Nasa) या प्रकल्पात सहभागी होण्यास तयार असल्याचे जोसेफ एशबशर यांनी सांगितले.