एलॉन मस्क संचालित ब्रेन-मशीन इंटरफेस कंपनी न्यूरालिंक क्लिनिकल चाचण्या सुरु करण्याच्या तयारी करत आहे. ज्यामुळे मेंदूच्या चिप्स मानवांमध्ये रोपण केली जाईल.

Dailymail.co.uk च्या मते, फर्म क्लिनिकल ट्रायल डायरेक्टरची नियुक्तीही करण्यात येत आहे. जे योग्य उमेदवार "काही तज्ञ डॉक्टर आणि शीर्ष अभियंत्यांसोबत काम करतील, तसेच न्यूरालिंकच्या पहिल्या क्लिनिकल चाचणी सहभागींसोबतही काम करणार आहेत." (Elon Musk Said Neuralink Hopes To Start Implanting Its Brain Chips In Humans In 2022)

दरम्यान, "तुम्ही न्यूरालिंकच्या क्लिनिकल रिसर्च अ‍ॅक्टिव्हिटीस सक्षम करण्यासाठी त्याचबरोबर सातत्याने बदलणाऱ्या वातावरणासह नियामक परस्परसंवाद विकसित करण्यासाठी जबाबदार असलेल्या टीमला नेतृत्वही करता येणार आहे. मेंदूच्या गंभीर आजारांवर उपचार करणारी उपकरणे बनवण्यासाठी न्यूरालिंक लाँच करण्यात आले, परंतु त्यांचे दीर्घकालीन लक्ष्य 'मानवी संवर्धन' आहे.

तसेच, आयन एम. बँक्स यांच्या द कल्चर कादंबऱ्यांसह विज्ञाननिष्ठ कल्पनेतून ही कल्पना प्रेरित होती. मस्क यांनी या प्रकल्पाचे वर्णन 'कृत्रिम बुद्धिमत्तेसह सहजीवन' म्हणून केले आहे. जेणेकरुन AI ची कोणतीही संभाव्यता मानवी समाजासाठी धोकादायक ठरु नये याचाही विचार करण्यात आला आहे.

शिवाय, त्यांनी या गोष्टीची देखील पुष्टी केली आहे की, चिप संप्रेरक पातळी नियंत्रित करण्यास सक्षम असेल, ज्यामध्ये इतर गोष्टींबरोबरच चिंता कमी करण्यास मदत करण्याची क्षमता असेल. मस्क यांनी अनेकदा AI वर जास्त अवलंबून राहणे आणि त्यामुळे निर्माण होणाऱ्या संभाव्य धोक्यावर टीका केली आहे. त्यांनी अलीकडेच असाही दावा केला आहे की, AI कोणत्याही मानवापेक्षा "अत्यंत स्मार्ट" असेल आणि 2025 पर्यंत आपल्याला मागे टाकेल.