आरोग्य

• यंदा आरोग्य खात्यावर १९७०.२० कोटी रुपये खर्च करण्यात येणार आहे. हा निधी गत वर्षापेक्षा १८ टक्के जास्त आहे.

• गोवा वैद्यकीय महाविद्यालय आणि रुग्णालयासह राज्यातील आरोग्य सेवा वाढविण्यावर भर.

• क्षयरोग विभाग आणि रक्तपेढी उभारण्यात येणार आहे.

• मुख्यमंत्री विमा योजनेतंर्गत दिनदयाळ सामाजिक सुरक्षा योजनेत बदल करत ५ लाखांपर्यंतची वाढ. उत्पन्न मर्यादेतही ८ लाखांपर्यत वाढ.

• दक्षिण गोवा रुग्णालयात आयसीयू विभाग अत्याधुनिक करणार.

• दोन्ही जिल्ह्यांत स्वतंत्र नर्सिंग महाविद्यालयाची स्थापना केली जाईल.

• आयुष योजनेंतर्गत डिसेंबर २०२३ पर्यंत ५० खाटांचे रुग्णालय उभारण्यात येईल.

• कुंकळ्ळी आणि कांदोळी येथे प्राथमिक आरोग्य केंद्र उभारण्याबरोबर साखळी येथे ऑप्थाल्मिक युनिट सुरू केले जाईल.

• विविध वैद्यकीय तज्ज्ञांची नियुक्ती केली जाणार आहे.

• दंत महाविद्यालयासाठी ४५ कोटींची तरतूद असून यातील पदव्युत्तर विद्यार्थ्यांना राहण्यासाठी १५ कोटींचे स्वतंत्र वसतिगृह उभारण्यात येईल.

सार्वजनिक बांधकाम खाते

• एकूण २६८७. ५४ कोटी रुपयांची तरतूद. यंदा २३ टक्के वाढ.

• केंद्र सरकारकडून राष्ट्रीय महामार्गांच्या उभारणीकरिता १५ हजार कोटी रुपये मिळणार आहेत.

• राज्य सरकारच्या खर्चातून अनमोड -मोले चौपदरी मार्गासाठी १५०० कोटी.

• संजीवनी कारखाना ते खांडेपार मार्गासाठी ६०० कोटी. वेर्णा-कुठ्ठाळी मार्ग चौपदरीकरणासाठी ५५० कोटी.

• साळावली जल प्रकल्‍पासाठी ३६७ कोटी, बोरी पुलाखाली गोलाकार रस्‍त्‍याची बांधणी असे २२२८. ७८ कोटींचे नियोजन.

• विविध मार्गांच्या पुनर्बांधणीकरिता ३६३०.८५ कोटी रुपयांचा विकास आराखडा केंद्रीय मंत्रालयाकडे सादर.

• यामध्येच नव्या बोरी पुलाची उभारणी करण्यात येणार आहे.

• या खात्यांतर्गतील सुविधा सहज सोप्या पद्धतीने मिळाव्यात यासाठी डिजिटल प्लॅटफॉर्मनुसार वन ॲप ऑल सर्व्हिसेस करण्यात येईल.

माहिती आणि तंत्रज्ञान

• गोव्याला ‘आयटी हब’ म्हणून प्रोत्साहन देण्यासाठी २० हजार कोटींची गुंतवणूक आणण्यासह ३० हजार नोकऱ्या निर्माण करण्याचे उद्दिष्ट.

• सरकारी हमीदाराशिवाय स्टार्टअपसाठी सीएमआरवायमधून थेट कर्ज. कुठूनही काम करण्यासाठी

१२ समुद्रकिनाऱ्यांवर सी-हब. कृषी खाते

• एकूण २७७.४७ कोटींची तरतूद.

• मुख्यमंत्री प्रगत कृषी योजना कार्यान्वित.

• भाताची आधारभूत किंमत २० वरून २२ रुपये, नारळ १२ वरून १५ रुपये.

• काजूची आधारभूत किंमत १२५ वरून १५० रुपये.

• स्थानिक फळझाडांच्या ३.४५ लाख रोपट्यांची यावर्षी लागवड.

• नाचणीचे बियाणे विनामूल्य वितरण, शेतकऱ्यांना हेक्टरी २० हजार रुपयांचे एकरकमी अनुदान

प्रसिद्धी आणि माहिती खाते

• एकूण ७६.४ कोटींची तरतूद.

• प्रथमच मनोरंजन आणि जाहिरातविषयक धोरण ठरविणार.

• माध्यम प्रतिनिधींसाठी पत्रकार भवनाची स्थापना.

समाज कल्याण खाते

• एकूण ५०४.९८ कोटींची तरतूद

• दयानंद सामाजिक सुरक्षा योजनेसाठी ३५५. ८० कोटी.

• पर्वरी येथे आंबेडकर भवनची उभारणी.

• ओबीसी विद्यार्थ्यांसाठी वसतिगृह उभारणार.

• अटल आसरा योजनेसाठी २० कोटींची तरतूद.

• मुख्यमंत्री सहायता निधीसाठी ५ कोटी.

महिला आणि बालकल्याण खाते

• एकूण ५०३.९५ कोटींची तरतूद. गतवर्षीपेक्षा १६.२ टक्क्यांनी वाढ.

• गृहआधार योजनेसाठी २३०. ६० कोटी, लाडली लक्ष्मी योजनेसाठी ८५.८७ कोटी.

• महिलांची सुरक्षा वाढवणार. महिलांना यापुढे सायंकाळी ७ ते सकाळी ७ पर्यंतही काम करता येणार.

• ममता योजनेंतर्गत मुलीला जन्म देणाऱ्या मातेस १ हजार रुपयांची आर्थिक मदत. यासाठी ६.१३ कोटींची तरतूद.

राजभाषा विभाग

• एकूण २१.४५ कोटींची तरतूद

• भाषेच्या विकासासाठी काम करणाऱ्या संस्थांना ६.५९ कोटी

• गोव्यात विश्व कोकणी संमेलनाचे आयोजन

• प्रादेशिक भाषांसाठी काम करणाऱ्या संस्थांसाठी ९ कोटी खर्चून ''गोंय भाषा भवन''चा प्रस्ताव

जलस्रोत खाते

• म्हादई खोऱ्यात निरंकाळ येथे ११.२१ एमसीएम, काजूमळ येथे ४ एमसीएम, तातोडी येथे ५.७ एमसीएम क्षमतेचे पाणी प्रकल्प.

• पाणी पुरवठ्यासाठी पाच ॲक्‍शन प्‍लानसाठी ६६३ कोटींची तरतूद.

• १५० पाणथळ क्षेत्रांचे अमृत सरोवर मिशनअंतर्गत संवर्धन करणार.

• साळ पाण्‍याच्‍या शुद्धीकरणासाठी २५ कोटी रुपयांची तरतूद.

• पर्वरी येथील खात्‍याचे कार्यालय तंत्रज्ञानात्‍मकदृष्‍ट्‍या अद्ययावत करणार.

• तिळारी प्रकल्‍पाचा आढावा, नव्‍याने डागडुजी.

• सांतिनेज नाला व मळा-पणजी येथे पूरप्रतिबंधक यंत्रणा.

वीज खाते

• अर्थसंकल्पात सर्वाधिक निधी वीज खात्यासाठी.

• एकूण ३८५६.३६ कोटींची तरतूद. यंदा २१.८८ टक्के अतिरिक्त निधी.

• सौर ऊर्जासाठी ३०० मेगावॅट क्षमतेची यंत्रणा उभारण्याचा प्रस्ताव.

• हरित तंत्रज्ञानात गुंतवणूक वाढवून १० हजार हरित रोजगारांची निर्मिती करणार.

• इलेक्ट्रिक वाहनांसाठी अनुदान योजना पुन्हा सुरू करणार, त्यासाठी २५ कोटींची तरतूद.

• ग्रीन हायड्रोजन प्रोजेक्‍ट सुरू करणार, त्‍यासाठी आयआयटी आणि ‘बिट्स’चे मार्गदर्शन.

• साळगावात बायोमास प्रकल्‍प मे महिन्‍यात मार्गी : दक्षिण गोव्‍यातही साकारणार.

• २५ ते ३० मेगावॅट सौरऊर्जेचे लक्ष्‍य : सरकारी इमारती, शाळांवर पॅनल बसवणार.

• मांद्रेत ४० उपवीज केंद्र बांधणार.

• वेर्णा येथे ११० केव्‍हीचा नवा ट्रान्‍स्‍फॉर्मर.

• नव्‍या स्‍मार्ट मीटरची तरतूद.

• कवळे, साळगावात नवी वीज केंद्रे.

अग्निशमन आणि आपत्कालीन सेवा खाते

• एकूण १२९.१९ कोटींची तरतूद. आधीच्या तुलनेत २१.५६ टक्क्यांनी वाढ.

• अग्निशमन पायाभूत सुविधा मजबूत करण्यासाठी एकूण ४४.०३ कोटींचा निधी मंजूर.

• याअंतर्गत पेडणेतील अग्निशमन केंद्राचे स्थलांतर करण्यात येणार.

• काणकोण अग्निशमन केंद्रासाठी नवीन जमीन शोधण्याचे काम सध्या सुरू.

• डिचोली आणि वाळपई येथील अग्निशमनच्या कामांना गती देण्यात येणार आहे.

• अति उंच इमारतींमध्ये अग्निशमन बचाव कार्यासाठी ४२ मीटर टर्न टेबल शिडी खरेदी करणार.