China-Australia: चीन आपल्या कारवायांमुळे सातत्याने चर्चेत राहणारा देश आहे. इतर देशांच्या अधिकारात येणारी जमीन, साधने यांच्यावर मालकी हक्क सांगण्याचा प्रयत्न चीनकडून सातत्याने होत असतो. यामुळेच चीन शेजारील राष्ट्रे अशा कारवायांमुळे त्रासली आहेत. आता चीनच्या युद्धनौकेमुळे ऑस्ट्रेलियाच्या गोतेखोर जखमी झाल्याची माहीती समोर आले आहे.

मिळालेल्या माहीतीनुसार, ऑस्ट्रेलियन युद्धनौकेच्या प्रोपेलरमधून मासेमारीची जाळी साफ करण्यासाठी नौदलाचे गोताखोर खाली उतरले होते. त्यानंतर चिनी युद्धनौकेने आपली हुल-माउंट सोनार सुरू केली. संरक्षण मंत्री रिचर्ड मार्लेस यांच्या म्हणण्यानुसार, ऑस्ट्रेलियन युद्धनौकेने या भागात उपस्थित जहाजांना अनेक इशारे दिले होते की डायव्हिंग ऑपरेशन सुरू आहे. " टूवूम्बाने संवादाची कबुली दिल्यानंतरही चिनचे जहाज जवळ आल्याचे त्यांनी म्हटले आहे.

जेव्हा हहुल-माउंटेड सोनार ऑस्ट्रेलियन डायव्हर्सना धोका निर्माण करेल अशा प्रकारे चालवले जात आहे, याची जाणीव झाली तेव्हा नौसैनिकांना पाण्यातून बाहेर काढण्यास भाग पाडले गेले.

सोनार पल्समुळे डायव्हर्सच्या कानाला दुखापत झाली आहे. ऑस्ट्रेलियन सरकारने चीन सरकारकडे चिंता व्यक्त केली आहे. ऑस्ट्रेलियाच्या संरक्षण मंत्र्यांच्या मते ही घटना असुरक्षित आणि अव्यावसायिक आहे. ते म्हणतात की एडीएफ जहाजे अनेक दशकांपासून या प्रदेशात सागरी पाळत ठेवत आहेत. हे आंतरराष्ट्रीय कायद्यानुसार केले जाते. युद्धनौका आंतरराष्ट्रीय पाण्यात होती, पण तो भाग जपानच्या विशेष आर्थिक क्षेत्रातही येतो.

ऑस्ट्रेलियन जहाज जपानच्या दिशेने बंदरात जात होते. ऑस्ट्रेलियाचे पंतप्रधान अँथनी अल्बानीज यांच्या चीन दौऱ्यानंतर काही दिवसांनी ही घटना घडली आहे. सात वर्षांत चीनला भेट देणारे अल्बानीज हे पहिले ऑस्ट्रेलियन पंतप्रधान आहेत. या भेटीदरम्यान त्यांनी शी जिनपिंग यांची भेट घेतली. दोन्ही देशांमधील तणाव कमी करण्यासाठी चर्चा झाली. या आठवड्यात अमेरिकेचे अध्यक्ष बिडेन आणि शी जिनपिंग यांच्यात बैठक झाली आहे.

दरम्यान, अमेरिका, जपान, ऑस्ट्रेलिया, भारत या चार देशांनी मिळून इंडो-पॅसिफिक भागात विकास करण्यासाठी क्वाड ग्रुपची स्थापना करण्यात आली आहे. मात्र चीनला कोडींत पकडण्यासाठी क्वाड ग्रुप काम करत असल्याचा आरोप अनेकदा चीनने केला आहे.