Global disruption Instagram Facebook ChatGPT

जागतिक स्थरावर मोठ्या प्रमाणात चॅटजिपीटी, फेसबुक किंवा इंस्टाग्रामचा वापर केला जातो मात्र काही तांत्रिक कारणास्तव गुरुवारी (दि. १२ डिसेंबर) रोजी चॅटजिपीटी सह इंस्टाग्राम, फेसबुक आणि व्हॉट्सअप अचानक काम करायचं बंद झाल्याने सगळीकडे गोंधळ उडाला होता. चॅटजिपीटी मध्ये आलेली तांत्रिक अडचण दूर करण्याचा प्रयत्न सुरु होता आणि समोर आलेल्या माहितीप्रमाणे चॅटजिपीटी पुन्हा व्यवस्थित काम करू लागले आहे.

जगभरात वापरल्या जाणाऱ्या चॅटजिपीटी या AI-चालित चॅटबॉटमध्ये अचानक अडचण निर्माण झाल्याने जगभरातील लाखो वापरकर्त्यांचं काम काही काळासाठी खंडित झालं होतं. पहाटे ४:३० च्या सुमारास सुरु झालेल्या या अडचणीने डेव्हलपर्स आणि AI-चालित चॅटबॉटवर चालणाऱ्या व्यवसायांसाठी प्रश्नचिन्ह निर्माण केलं होतं.

चॅटजिपीटीने त्वरित याबद्दल ट्विटरवरून माहिती दिली आणि त्यांच्या टीमकडून यावर काम सुरु असल्याचं सांगितलं होतं. गुरुवारी सकाळी ८:३० पर्यंत चॅटजिपीटीची अडचण दूर झाली मात्र अजून वापरकर्त्यांना इंस्टाग्राम, फेसबुक आणि व्हॉट्सअपच्या वापरात अडचणींचा सामना करावा लागतोय.