कंबोडियातील एका हॉटेल कॅसिनोला लागलेल्या आगीत सुमारे 10 जणांचा मृत्यू झाला असून 30 जण जखमी झाले आहेत. एएफपी या वृत्तसंस्थेने कंबोडियन पोलिसांच्या हवाल्याने म्हटले आहे की, थायलंडच्या सीमेवर असलेल्या कंबोडियन हॉटेल-कसिनोमध्ये ही दुःखद घटना घडली. 

मिळालेल्या माहितीनुसार, बुधवारी रात्री पोईपेट येथील ग्रँड डायमंड सिटी हॉटेलला आग लागली. आगीच्या घटनेचे अनेक व्हिडिओ सोशल मीडियावर शेअर करण्यात आले आहेत, ज्यामध्ये लोक हॉटेलच्या इमारतीवरून उड्या मारताना दिसत आहेत. 

ग्रँड डायमंड सिटी हॉटेलच्या कॅसिनोमध्ये सुमारे 50 लोक अडकल्याचीही बातमी आहे, या प्रकरणात मृतांचा आकडा वाढू शकतो. मिळालेल्या माहितीनुसार, हॉटेलमध्ये आग अनेक तास धुमसत होती. सगळीकडे राडा झाला. हॉटेलच्या इमारतीवरून जळणारे साहित्य खाली पडत होते. अनेकांनी जीव वाचवण्यासाठी पाचव्या मजल्यावरच्या बाल्कनीतून उड्या मारल्या. 

• या अपघातात एकूण 53 जणांना वाचवण्यात यश आले .

आगीमुळे हॉटेलचा काही भाग कोसळला आहे. त्यानंतर अग्निशमन दलाने आगीवर 70 टक्के नियंत्रण मिळवल्याचा दावा केला. स्थानिक वेळेनुसार सकाळी 8.30 वाजता आग लागली. अथक परिश्रमानंतर या अपघातात एकूण 53 जणांना वाचवता आले. आग इतकी भीषण होती की लोकांना वाचवण्यात टीमला अडचण येत होती. अग्निशमन दल आणि बचाव पथकासोबत स्थानिक लोकही सहभागी झाले आणि त्यांनी लोकांना वाचवण्यास सुरुवात केली.