कझाकिस्तानच्या (Kazakhstan) दक्षिण जांबिल भागात झालेल्या दारुगोळा गोदामाच्या स्फोटात (Explosion) नऊ जणांचा मृत्यू झाला आहे. एएफपीने या वृत्त संस्थेने यासंबंधीची माहिती दिली आहे. गुरुवारी लष्कराच्या गोदामात मोठा स्फोट झाल्याचे त्यावर संरक्षण मंत्रालयाकडून सांगण्यात आले. दरम्यान गोदामामध्ये दारुगोळा आणि अभियांत्रिकी साहित्य होते.

सलग 10 स्फोटांमध्ये 9 जणांचा मृत्यू झाला असून अग्निशमन दलाचे प्रमुख एकिरन नादिर्बेकोव्ह यांचाही मृतांमध्ये समावेश आहे. घटनेनंतर जवळच्या वस्त्यांमधील लोकांना सुरक्षित ठिकाणी हलवण्यात आले आहे.

कझाकिस्तानचे संरक्षण मंत्री नूरलान एर्मेकबायेव म्हणाले, "हा विस्फोट कोणत्या कारणामुळे करण्यात आले आहेत हे अद्याप स्पष्ट झालेले नाही. हे सुरक्षा व्यवस्थेचे अपयश असल्याचे मानले जात आहे.