Terrorists Killed 12 Jawans of Pakistani Army: पाकिस्तानातील दहशतवादी केवळ पाकिस्तानच्या सुरक्षा दलांना लक्ष्य करत नाहीत तर, आता बलुचिस्तानच्या सुई जिल्ह्यात दहशतवाद्यांनी पाकिस्तानी सैनिकांवर हल्ला केला आहे. यामध्ये पाकिस्तानचे 12 सैनिक ठार झाल्याची माहिती समोर आली आहे.

या दहशतवादी हल्ल्यात तीन पाकिस्तानी सैनिक ठार झाले आहेत. द न्यूज इंटरनॅशनलने इंटर-सर्व्हिसेस पब्लिक रिलेशन्स (ISPR) च्या हवाल्याने म्हटले आहे की, सशस्त्र दहशतवाद्यांनी सैनिकांवर हल्ला केला.

दोन दहशतवादीही ठार

मिळालेल्या माहितीनुसार, प्रत्युत्तरादाखल केलेल्या गोळीबारात दोन दहशतवादीही ठार झाले आहेत. उर्वरित दहशतवाद्यांना पकडण्याचे प्रयत्न सुरू आहेत.

बलुचिस्तान आणि पाकिस्तानमधील शांततेच्या शत्रूंचा पर्दाफाश करण्यासाठी सुरक्षा दल प्रभावी कारवाई करण्यास तयार असल्याचे निवेदनात म्हटले आहे.

आयएसपीआरने सांगितले की, यापूर्वी झोब येथे झालेल्या दहशतवादी हल्ल्यात पाकिस्तानचे नऊ सैनिक ठार झाले होते. बुधवारी पहाटे दहशतवाद्यांनी पोस्टवर हल्ला केला, त्यानंतर जोरदार गोळीबार झाला. सुरुवातीला चार जवान शहीद झाल्याची बातमी होती, नंतर हा आकडा 9 वर पोहोचला.

पाकिस्तानमध्ये दहशतवादी कारवाया वाढल्या

या वर्षाच्या पहिल्या ६ महिन्यांत दहशतवादी कारवायांमध्ये ७९ टक्क्यांनी वाढ झाल्यामुळे पाकिस्तानातील परिस्थिती तणावपूर्ण असल्याचे एका अहवालात म्हटले आहे.

अहवालात म्हटले आहे की, गेल्या सहा महिन्यांत किमान 271 दहशतवादी हल्ले झाले, ज्यात 389 जणांचा जीव गेला आणि 656 जण जखमी झाले.

यावेळच्या तुलनेत गेल्या वर्षीची परिस्थिती बऱ्यापैकी असल्याचेही अहवालात म्हटले आहे. 2022 च्या पहिल्या सहामाहीत 151 हल्ले झाले, ज्यात 293 लोक मरण पावले आणि 487 जखमी झाले.