कोलंबियाचे अध्यक्ष इव्हान ड्यूक यांच्या हेलिकॉप्टरवर हल्ला झाला आहे. काही दहशतवाद्यांनी हा हल्ला केल्याचे समोर येत आहे. या हल्ल्यात कुणाचाही मृत्यू झालेला नाही. कोलंबियाचे राष्ट्राध्यक्ष इव्हान ड्यूक व्हेनेझुएलाच्या सीमेजवळ उड्डाण करत असताना हा हल्ला झाला आहे .

या हल्ल्यादरम्यान राष्ट्राध्यक्ष इव्हान ड्यूक, संरक्षणमंत्री डिएगो मोलानो, गृहमंत्री डॅनियल पालासिओस आणि नॉर्टे डी सॅनटेंडरचे राज्यपाल असे नेते हेलिकॉप्टरमध्ये असल्याची माहिती सोमर येत आहे या हल्याचा एक व्हिडीओ खुद्द राष्ट्रपतींनी शेअर केला आहे या व्हिडीओमध्ये कोलंबियन हवाई दलाच्या हेलिकॉप्टरवर अनेक गोळ्या झाडल्या गेल्याचे दिसत आहे. राष्ट्राध्यक्ष इव्हान ड्यूक एका कार्यक्रमात गेले असताना हा हल्ला झाला आहे.

या नंतर काढण्यात आलेल्या एका निवेदनात असे सांगण्यात आले आहे की, 'राष्ट्रपतींच्या हेलिकॉप्टरवर हल्ला झाला असून राष्ट्राध्यक्ष इव्हान ड्यूक, संरक्षणमंत्री डिएगो मोलानो तसेच गृहराज्यमंत्री डॅनिएल पॅलासिओस आणि नॉर्टे डी सॅनटॅन्डरचे राज्यपाल सिल्व्हानो सेरानो पूर्णपणे सुरक्षित आहेत.

या हल्यानंतर राष्ट्रपती म्हणाले," आम्ही आमच्या अंमली पदार्थांची तस्करी, दहशतवाद आणि संघटित गुन्हेगारीविरूद्ध लढाया थांबवणार नाही. कोलंबियामध्ये असे हल्ले काही नवीन नाहीत. यापूर्वी 14 जून रोजी सैन्य तळावरही कार बॉम्बने हल्ला करण्यात आला होता. ज्यामध्ये सैन्य व सामान्य नागरिक यासह 36 लोक जखमी झाले होते .परंतु ही लढाऊ काही केल्या थांबणार नाही."

या हल्ल्यामागे कोण आहे याची पुष्टी झाली नसली तरी कोलंबियाच्या सुरक्षा दलाला हल्ल्यासाठी जबाबदार असलेल्यांना शोधण्याचे आदेश देण्यात आले आहेत.