Twitter: ट्वीटरबाबत सातत्याने नवीन बदल होताना दिसून येत आहेत. इलॉन मस्कने जेव्हापासून ट्वीटरची मालकी स्वत:कडे घेतली आहे तेव्हापासून ट्वीटरमध्ये सतत काहीतरी बदल होत आहेत.

यापुर्वी ट्वीटरच्या टीकबाबत मोठे बदल केल्याचे दिसून आले होते . ब्लू टीक, ग्रे टीक आणि गोल्डन टीक असे वेगवेगळ्या क्षेत्रातील लोकांसाठी वेगवेगळे टीक असे वर्गीकरण त्यांनी केले आहे. आता पुन्हा ट्वीटरमध्ये बदल करण्यात येत असून त्याची घोषणा इलॉन मस्क यांनी केली आहे. ट्वीटरमध्ये जाहीरात दाखवली जाणार असल्याचे त्यांनी म्हटले आहे.

महत्वाची बाब म्हणजे ज्या लोकांना ट्वीटर( Twitter ) वापरताना ज्या लोकांना जाहीरात नको आहे त्यांना मोठी किंमत मोजावी लागणार आहे. अर्थात त्यांना जाहीरातशिवाय ट्वीटरचे जास्त पैसे देऊन सभासत्व करावे घ्यावे लागणार आहे. याबाबतची अधिकृत घोषणा लवकरच करण्यात येईल असे इलॉन मस्क यांनी म्हटले आहे. ट्वीटरच्या बिझनेस मॉडेलमध्ये हा क्रांतीकारी बदल असणार असल्याचेसुद्धा त्यांनी म्हटले आहे.

दरम्यान, अनेक रिपोर्टनुसार ट्वीटरची मालकी घेतल्यापासून इलॉन मस्क( Elon Musk ) यांना मोठ्या नुकसानाला सामोरे जावे लागले आहे. सर्वाधिक संपत्ती गमावावी लागल्याने त्यांची गिनिज बुकमध्ये नोंद झाल्याचे पाहायला मिळाले होते.