LockDown In China: चीनमध्ये एकाच दिवसात कोरोनाचे 31,454 नवे रूग्ण आढळे आहेत. अलीकडच्या काळातील ही सर्वात मोठी दैनंदिन रूग्णसंख्या आहे. चीनमध्ये पुन्हा कोरोनाने डोके वर काढले असून दररोजच्या रूग्णसंख्येचा आकडा वाढतच चालला आहे.

चीनी प्रशासनाने झेंगझाऊ आणि आसपासच्या 8 जिल्ह्यांमध्ये लॉकडाऊन लागू केले आहे. या जिल्ह्यांमध्ये एकूण 66 लाख लोक आहेत. या आदेशापुर्वी दीड महिन्यांपासून या भागातील 2 लाख लोकसंख्या राहत असलेल्या परिसरात गेल्या दीड महिन्यांपासून लॉकडाऊन सुरू आहे. नवा आदेश शुक्रवारी मध्यरात्रीपासून लागू होणार आहे.

बीजिंगपासून ते चोंगकिंग आणि ग्वांगझू या प्रमुख शहरांमध्ये कोरोनाचा संसर्ग स्थिर आहे. दरम्यान नव्याने चाचण्यांची संख्या वाढविण्यात आली आहे. तसेच नवीन तात्पुरती हॉस्पिटल्स उभारली जात आहेत.

चीनच्या GDP च्या 20 टक्के भागात लॉकडाऊन

लॉकडाऊनचा परिणाम चीनच्या उद्योग, व्यापारावर होत आहे. तज्ज्ञांच्या मते, चीनच्या जीडीपीमध्ये योगदान देणाऱ्या एकूण 20 टक्के क्षेत्रात सध्या लॉकडाऊन सुरू आहे. निर्बंधांमुळे अनेक गोष्टी थबकल्या आहेत. केंद्रीय बँकेनेही विकासदर 4.3 टक्क्यांवरून कमी करून 4 टक्के असेल, असा अंदाज वर्तवला आहे. विकासदर घटटण्याचे प्रमुख कारण दोन एप्रिलपासून शांघायसारख्या मोठ्या आणि प्रमुख उद्योग हबमध्ये दोन महिने असलेले लॉकडाऊन हे देखील आहे. या वर्षी एप्रिल महिन्यात एकाच दिवशी येथे 28,000 हून अधिक रूग्ण आढळून आले होते.

झिजियांग आणि तिबेट भागात अनेक महिन्यांपासून लॉकडाऊन सुरू आहे. त्यामुळे अधिकारीच वैतागले आहेत. कोरोनावर नियंत्रणासाठी शांघाय सारख्या मोठ्या शहरात पुर्णतः लॉकडाऊन करणे योग्य नाही. त्यामुळे येथे झीरो कोव्हिड धोरण अवलंबविण्याची मागणी होत आहे.