श्रीलंकेतील (Sri Lanka) नवीन वर्षाच्या उत्सवापूर्वी आज मंगळवारी भारतातून 11,000 मेट्रिक टन तांदळाचा साठा चेन ग्लोरी या जहाजातून कोलंबोला पोहोचला. मागील आठवड्यातच भारताकडून श्रीलंकेला एकूण 16,000 मेट्रिक टन तांदूळ पुरवठा करण्यात आला आहे. “2 राष्ट्रांचे विशेष संबंध चिन्हांकित करणारा हा पुरवठा सुरूच राहील, असे श्रीलंकेतील भारतीय दूतावासाने सांगितले.

दरम्यान एक किलो दूध पावडर 1900 रुपयांना विकली जात आहे. श्रीलंकेत महागाई एवढी वाढली आहे की तांदूळ 220 रुपये किलो आणि गहू 190 रुपये किलो दराने विकला जात आहे. त्याचबरोबर एक किलो साखरेचा भाव 240 रुपये, खोबरेल तेल 850 रुपये लिटर, तर एका अंड्याचा किरकोळ दर 30 रुपये आणि 1 किलो दूध पावडरचा भाव 1900 रुपयांवर पोहोचला आहे.

भारताने अलीकडेच श्रीलंकेला एक अब्ज डॉलर्सचे कर्ज दिले आहे. वृत्तानुसार, श्रीलंकेने भारताकडून आणखी दीड अब्ज डॉलर्सची मागणी केली आहे. रॉयटर्सच्या अहवालात असे म्हटले आहे की जानेवारी 2022 पासून, भारताने क्रेडिट लाइनद्वारे 214 अब्जांची मदत केली आहे. गरज भासल्यास भारत श्रीलंकेला अधिक मदत करून कोलंबोमध्ये अधिक स्थान मिळवू शकतो.