मध्य प्रदेशातील इंदूरमध्ये एका महिलेने झोपडीला आग लावून तिच्या दोन अल्पवयीन भाचींची हत्या केली. हे प्रकरण प्रेमसंबंधातून घडले असल्याचे सांगितले जात आहे. मृत झालेल्या दोन्ही मुली चार आणि सहा वर्षांच्या असल्याचे पोलिसांनी सांगितले. याप्रकरणी पोलिसांनी 25 वर्षीय आरोपी बरखा मेडा हिला अटक केली आहे.
इंदूरचे पोलिस आयुक्त हरिनारायणाचारी मिश्रा म्हणाले, "बरखाचे दुसरे लग्न झाले होते. तसेच तिचे दुसऱ्या व्यक्तीसोबत अफेअरही होते. याच मुद्द्यावरून बरखाचे तिच्या दुसऱ्या पतीसोबत अनेकदा भांडण झाले होते. भांडणाच्या वेळी बरखाच्या वडिलांनी तिला मुसकाडीत मारली, त्यामुळे ती चिडली.
रागावून झोपडी पेटवली
पोलीस (police) आयुक्तांनी सांगितले की, बरखाने संतापून आपल्या वडिलांची झोपडी पेटवून दिली. त्यावेळी बरखाच्या भावाच्या दोन्ही मुली झोपडीत झोपल्या होत्या. आग वेळीच आटोक्यात आणण्यात आली, मात्र तोपर्यंत दोन्ही मुली आगीच्या विळख्यात होत्या. त्यामुळे त्यांचा मृत्यू (Death) झाला. एका वृत्तसंस्थेने दिलेल्या माहितीनुसार, घटनेच्या वेळी मुलींचे पालक घरी नव्हते. या घटनेची माहिती मुलींच्या पालकांना मिळताच ते तातडीने तेथे पोहोचले. सध्या पोलिसांनी आरोपी बरखाला अटक केली असून तिची चौकशी सुरू आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.