सोशल मीडियावर एक व्हिडिओ व्हायरल होत आहे, ज्यामध्ये एक महिला फूड डिलिव्हरी एजंटला मारहाण करताना दिसत आहे. ही घटना मध्य प्रदेशातील जबलपूर जिल्ह्यातील आहे. डिलिव्हरी एजंटची दुचाकी तिच्या स्कूटीला धडकल्याने तिला दुखापत झाल्याचे महिलेचे म्हणणे आहे. व्हिडिओमध्ये महिला (Woman) डिलिव्हरी एजंटला बुटांनी मारहाण करताना दिसत आहे. तिथे उपस्थित लोक महिलेला थांबण्यास सांगत होते, मात्र महिलेने त्यांचे ऐकले नाही. एका प्रसंगी ती एजंटला लाथ मारतानाही दिसत आहे. (Woman beats street food delivery agent in Jabalpur video goes viral)

दरम्यान, सोशल मीडियावरील (Social Media) पोस्टनुसार, प्रत्यक्षदर्शींनी सांगितले की, महिला स्वत: दुचाकी चालवत असताना फोनवर बोलत होती. डिलिव्हरी एजंट चुकीच्या बाजूने येत असल्याचेही काहींनी निदर्शनास आणून दिले. डिलिव्हरी एजंट चूकीच्या दिशेने येताना दिसत आहे. दुसरीकडे मात्र काही सोशल मीडिया यूजर्संनी महिलेवर टीका करण्यास सुरुवात केली आहे.

एका यूजरने म्हटले की, 'ही त्याची चूक होती, पण ज्याप्रकारे त्याचा अपमान करण्यात आला, ते समर्थनीय ठरु शकत नाही.'