भारताचे पंतप्रधान नरेंद्र मोदी यांचा एक व्हिडीओ सोशल मीडियावर चांगलाच वायरल होत आहे. ज्यामध्ये ते वर्कआउट (Workout) करताना दिसत आहेत. हा व्हिडीओ पीएम मोदींच्या (PM Modi) मेरठ दौऱ्याचा आहे. पंतप्रधान मोदींनी येथे मेजर ध्यानचंद क्रीडा विद्यापीठाची पायाभरणी केली. यावेळी पंतप्रधान स्वत:जिमचा आनंद घेताना दिसत आहेत. हे विद्यापीठ मेरठच्या सरधना शहरातील सलवा आणि काली गावाचा समावेश असलेल्या परिसरात सुमारे 700 कोटी रुपये खर्चून उभारले जाणार आहे.

मेरठ येथील क्रीडा संकुलनात पोहोचलेल्या पीएम मोदींनी जिमला भेट दिली आणि स्वत: जिममध्ये व्यायाम करण्यास सुरुवात केली. जिम करण्यासोबतच पंतप्रधानांनी या जिम मशीन्सचा आढाव घेतला. पंतप्रधान मोदींनी येथे फिट इंडियाचे उदाहरण ठेवले. पंतप्रधानांचा हा वर्कआउट व्हिडीओ सोशल मीडियावर चांगलाच व्हायरल होत आहे.

पीएम मोदींचा व्हिडीओ (Video) ट्विटरवर शेअर करत भाजपचे प्रवक्ते संबित पात्रा यांनी लिहिले कि, सशक्त, समृद्ध आणि निरोगी भारताचा पाया हे आपले प्रसिद्ध पंतप्रधान श्री नरेंद्र मोदीजी आहेत." पीएम मोदींच्या या कार्यक्रमाला मुख्यमंत्री योगी आदित्यनाथ (Yogi Aditynath) आणि राज्यपाल आनंदीबेन पटेल यांनीही हजेरी लावली. क्रीडा विद्यापीठाचे नाव हॉकीचे दिग्ग्ज मेजर ध्यानचंद यांच्या नावावर आहे, ज्यांनी 1928 , 1932,आणि 1936मध्ये भारताला 3 ऑलिम्पिक सुवर्णपदके मिळवून दिले.