आंध्र प्रदेश: श्रीकाकुलम येथील व्यंकटेश्वर स्वामी मंदिरात झालेल्या चेंगराचेंगरीत किमान नऊ भाविकांचा मृत्यू झाला आहे. यात बहुतेक महिला आणि लहान मुलांचा समावेश आहे. एकादशीच्या निमित्ताने व्यंकटेश्वर मंदिरात प्रचंड गर्दी झाली असताना ही घटना घडली. घटनेमुळे परिसरात भाविकांंची धावपाळ झाली. पोलिसांनी घटनास्थळी धाव घेत परिस्थिती नियंत्रणात आणली आहे.

मुख्यमंत्री चंद्राबाबू नायडू यांनी या दुर्घटनेवर शोक व्यक्त करताना घटना "हृदयद्रावक" असल्याचे म्हटले आहे.

मिळालेल्या अधिकच्या माहितीनुसार, सध्या घटनास्थळी बचावकार्य सुरू आहे. दरम्यान, चेंगराचेंगरीतील मृतांचा आकडा वाढू शकतो, अशी भीती अधिकाऱ्यांनी व्यक्त केली आहे. मंदिर परिसरात घडलेल्या चेंगराचेंगरीच्या घटनेचा समोर आलेल्या व्हिडिओत भाविक जमिनीवर पडलेले दिसत आहेत. दुसरीकडे जखमींना तातडीने उपचारांसाठी जवळच्या रुग्णालयात हलवण्यात आले आहे.