Jammu And Kashmir: जम्मू-काश्मीरमधील बडगाम जिल्ह्यात बुधवारी लतीफ रादरसह लष्कर-ए-तैयबाच्या तीन दहशतवाद्यांना सुरक्षा दलांनी ठार केले. लतीफच्या हत्येसह, सुरक्षा दलांनी राहुल भट्ट आणि अमरीन भट्ट यांच्यासह अनेक नागरिकांच्या हत्येचा बदला घेतला आहे. या वर्षी मे महिन्यात दहशतवाद्यांनी बडगाममध्ये महसूल विभागाचे कर्मचारी काश्मिरी पंडित राहुल भट यांची हत्या केली होती.

दरम्यान, काश्मीरचे अतिरिक्त पोलीस महासंचालक विजय कुमार म्हणाले, 'लष्कर-ए-तैयबाचे (Lashkar-E-Taiba) तीन दहशतवादी मारले गेले आहेत. घटनास्थळावरुन मृतदेह काढण्याचे काम सुरु आहे. चकमकीच्या ठिकाणाहून आक्षेपार्ह साहित्य, शस्त्रे आणि दारूगोळा जप्त करण्यात आला आहे. हे आमच्यासाठी मोठे यश आहे.'

दुसरीकडे, राहुल भटच्या (Rahul Bhat) हत्येनंतर काश्मिरी पंडित रस्त्यावर उतरले होते. काश्मिरी पंडित राहुल भट यांच्यावर झालेल्या हल्ल्यात सहभागी असलेले दोन दहशतवादी नंतर चकमकीत ठार झाले. याशिवाय, अमरीन भट यांची दहशतवाद्यांनी (Terrorists) बडगामच्या चदूरा भागात 26 मीटरवर हत्या केली होती.

तसेच, रविवारी, प्रतिबंधित दहशतवादी संघटना लष्कर-ए-तैयबा ( LET) च्या 'हायब्रीड' दहशतवाद्याला भारतीय लष्कराच्या (Indian Army) 34 आरआर युनिटने बडगाम परिसरातून अटक केली. एएनआयने एका वृत्तात म्हटले आहे की, 'अधिकाऱ्यांनी त्याच्याकडून 5 पिस्तूल, 5 मॅगझिन, 50 राऊंड आणि दोन ग्रेनेडसह अपराधी साहित्य जप्त केले आहे.'