युक्रेनची (Ukraine) राजधानी असणाऱ्या कीवमधील भारतीय दूतावास बंद करण्यात आले आहे. दरम्यान असे मानले जात आहे की, ते जवळच्या लीव्ह शहरात हलविले जाऊ शकते. यासंबंधीची माहिती देण्यात आली आहे. रशियाने (Russia) राजधानी कीवला वेढा घातला असून सातत्याने गोळीबार सुरु आहे. कीव व्यतिरिक्त खार्किव शहरातही रशियाकडून हल्ले होत आहेत. (The Indian embassy in Kyiv the capital of Ukraine, has been closed)

दरम्यान, कीवमधील भारतीय दूतावासात एकही भारतीय शिल्लक नसल्याची खात्री केल्यानंतर बंद करण्यात आल्याचे सांगण्यात आले आहे. कीव हे रशियाच्या सर्वात मोठ्या हल्ल्याचे बळी ठरले आहे. रशियन लष्कर शहरातील निवासी इमारती आणि प्रशासकीय इमारतींनाही लक्ष्य करत आहे. युक्रेनमधील (Ukraine) भारतीय दूतावासातील राजदूत आणि इतर कर्मचारी युद्धग्रस्त देशातील पश्चिम भागाकडे निघाल्याचे सूत्रांकडून सांगण्यात येत आहे.