तामिळनाडूतील शिवकाशीजवळ फटाके बनवणाऱ्या कारखान्यात मंगळवारी एकापाठोपाठ दोन स्फोट झाले. या स्फोटात नऊ जणांचा मृत्यू झाल्याची माहिती आहे. मिळालेल्या माहितीनुसार, पहिला स्फोट विरुधुनगर जिल्ह्यात झाला.
अग्निशमन विभागाचे अधिकारी तातडीने घटनास्थळी पाठवण्यात आले. दुसरा स्फोट त्याच जिल्ह्यातील कम्मापट्टी गावात दुसऱ्या युनिटमध्ये झाला. या स्फोटांमुळे आतापर्यंत 9 जणांचा मृत्यू झाल्याची पुष्टी पोलीस अधिकाऱ्यांनी केली आहे.
याआधी 9 ऑक्टोबरलाही तामिळनाडूच्या (Tamil Nadu) अरियालूर येथील फटाक्याच्या कारखाण्यात स्फोट झाला होता. या स्फोटात 11 जणांचा मृत्यू झाला होता, ज्यामध्ये 3 महिला होत्या. ही घटना वेत्रियूर मदुरा विरागुलर गावात घडली होती.
या प्रकरणी कारखान्याचे मालक राजेंद्र आणि त्यांचा जावई अरुण कुमार यांना अटक करण्यात आली आहे. दिवाळीमुळे इतर 30 कामगारांना कामावर ठेवण्यात आल्याचे पोलिसांनी सांगितले होते, जे ओव्हरटाईम करत होते.
मुख्यमंत्र्यांनी सांगितले होते की, पाच जखमींना तंजावर मेडिकल कॉलेज हॉस्पिटलमध्ये (Hospital) दाखल करण्यात आले होते. मदत कार्य तात्काळ पोहोचवण्यासाठी त्यांचे कॅबिनेट सहकारी एसएस शिवशंकर आणि सीव्ही गणेशन यांना तैनात केले होते.
त्यांनी प्रत्येक मृतांच्या कुटुंबीयांना प्रत्येकी 3 लाख रुपये, गंभीर जखमींना 1 लाख रुपये आणि सामान्य जखमींना 50,000 रुपयांची मदत जाहीर केली होती.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.