Sonia Gandhi Health Update: काँग्रेस संसदीय पक्षाच्या प्रमुख सोनिया गांधी यांना तापामुळे सर गंगाराम रुग्णालयात दाखल करण्यात आले असून त्यांची प्रकृती स्थिर आहे. रुग्णालयाने जारी केलेल्या बुलेटिनमध्ये ही माहिती देण्यात आली आहे.

रुग्णालयाचे म्हणणे आहे की, सोनिया गांधी यांना तापामुळे 2 मार्च रोजी डॉक्टर अरुप बसू आणि त्यांच्या टीमच्या देखरेखीखाली दाखल करण्यात आले.

'सोनिया गांधींची प्रकृती स्थिर'

बुलेटिनमध्ये म्हटले आहे की, 'सोनिया गांधी (Sonia Gandhi) डॉक्टरांच्या देखरेखीखाली आहेत. त्यांची तपासणी केली जात आहे. त्यांची प्रकृती स्थिर आहे.

सर गंगाराम हॉस्पिटलच्या ट्रस्ट सोसायटीचे अध्यक्ष डीएस राणा यांनी सांगितले की, सोनिया गांधी यांना "तापामुळे" चेस्ट मेडिसिन विभागाचे वरिष्ठ सल्लागार अरुप बसू आणि त्यांच्या टीमच्या देखरेखीखाली हॉस्पिटलमध्ये दाखल करण्यात आले आहे.

सोनिया गांधी या वर्षात दुसऱ्यांदा रुग्णालयात दाखल झाल्या

या वर्षात त्यांना रुग्णालयात (Hospital) दाखल करण्याची ही दुसरी वेळ आहे. जानेवारीत, सोनिया गांधी यांना विषाणूजन्य श्वसन संसर्गाच्या उपचारासाठी दिल्लीतील रुग्णालयात दाखल करण्यात आले होते.